Mańǵystaýda qaraquıryqty zańsyz aýlaǵan brakonerler ustaldy
«2020 jyldyń 23 shildesinde Mańǵystaý oblysynyń Qaraqııa aýdanynda orman sharýashylyǵy men janýarlar dúnıesi ınspektsııasynyń memlekettik ınspektorlary «Ohotzooprom» ÓB pen aýdandyq ýchaskelik polıtsııa qyzmetkerlerimen reıd júrgizdi. Reıd barysynda jedel top Mıtsýbıshı Padjero men Toıota Lend Krýzer markaly kólikti mingen brakonerlerdi ustady», - dep jazady QR Ekologııa, geologııa jáne tabıǵı resýrstar mınıstrliginiń orman sharýashylyǵy men janýarlar dúnıesi komıtetiniń baspasóz hatshysy Sáken Dildahmet .
Tekserý barysynda avtokólikten tórt qaraquıryqtyń tutas týshasy, serııa, nómiri joq 2 qarý anyqtaldy. Zań buzyp júrgender – Mańǵystaý oblysynyń turǵyndary bolyp shyqty.
«Oqıǵa ornyna aýdandyq polıtsııanyń jedel-tergeý toby shaqyryldy. Jınalǵan materıaldardyń bári de polıtsııaǵa tapsyryldy», - delingen habarlamada.
