Mańǵystaýda ardagerler men jastar voleıbol oınady

ASTANA. QazAqparat - «Otpan taý» tarıhı-mádenı kesheninde «Amal» merekesine oraı jáne Astana qalasynyń 20 jyldyq mereıtoıy qarsańynda voleıboldan ardagerler men jastar arasynda Mańǵystaý oblysy ákiminiń Kýbogy úshin  respýblıkalyq ashyq týrnır ótti, dep habarlaıdy QazAqparat oblys ákiminiń baspasóz qyzmetine silteme jasap.

«Batystyń amaly - tatýlyqtyń qamaly» taqyrybymen ótken is-sharaǵa jastar men ardagerlerden quralǵan 18 top (200-ge jýyq adam) qatysty.

 «Elbasy Joldaýynda 2020  jylǵa deıin qazaqstandyqtardyń 30 %-nyń buqaralyq sportpen aınalysýy qajettigin aıtyp  jáne osy nátıjege jetý jolynda sportqa joǵary dárejede kóńil bólýde. Sporttyq oıyndar búginde elder men halyqtar arasyndaǵy dostyqtyń altyn arqaýyna aınaldy. Mańǵystaý óńirinde jalaýyn kótergen voleıboldan ardagerler men jastar arasyndaǵy respýblıkalyq ashyq týrnıri jastarǵa rýh berip, bizderdi budan da jaqynyraq tabystyratyndyǵyna senimdimin!», - dedi oblys ákimi Eraly Toǵjanov.

Týrnırdiń maqsaty - Joldaýdaǵy «Deni saý ult» baǵytyn qoldaý, salaýatty ómir saltyn jáne elimizdiń basqa da aımaqtaryna tatýlyq pen meıirimdilik, kórisý dástúrin dáripteıtin «Amal» merekesin nasıhattaý, halyqty buqaralyq sportqa tartý.