Mańǵystaýda Amal merekesi toılanbaıdy - ákimdik

AQTAÝ. QazAqparat - Mańǵystaýda amal merekesin toılaý keıinge shegeriledi. Bul týraly oblys ákiminiń orynbasary Qanybek Jumashev óńirlik kommýnıkatsııa ortalyǵynda ótken brıfıngte málimdedi, dep habarlaıdy Qazaqparat tilshisi.

11 naýryzda Dúnıejúzilik densaýlyq saqtaý uıymy COVID-19 jańa koronavırýstyq ınfektsııasyna baılanysty pandemııa jarııalady. El prezıdenti Qasym-Jomart Toqaev Qazaqstanda koronavırýstyń taralýyna jol bermeý jóninde naqty mindetter qoıdy. Osyǵan oraı, QR Premer-Mınıstriniń orynbasary Eraly Toǵjanov BAQ ókilderine arnaıy brıfıng ótkizip, qabyldanǵan sharalar týraly habardar etti.

Úkimet qabyldaǵan sheshimge sáıkes, 13-14 naýryz kúnderi «Adaı Ata – Otpan taý» rýhanı tarıhı-mədenı kesheninde ótetin shara keıinge shegerildi. Sharada kıiz úıler tigilip, 5000-ǵa jýyq adam jınalatyndyqtan, túrǵyndardyń qaýipsizdigin qamtamasyz etý úshin osyndaı sheshim qabyldandy.

«Amal merekesi – tatýlyqtyń, kelisimniń meıramy. Eń birinshi kezekte adamnyń densaýlyǵy mańyzdy ekenin túsinýimiz kerek. Sondyqtan oıymyz bir jerden shyǵyp, aýyzbirshiligimizdi kórseteıik. Túsinistikpen qaraýlaryńyzdy suraımyz», - dedi sóz sońynda Q.Jumashev.

​Aımaqtaǵy adam kóp jınalatyn mádenı sharalardyń barlyǵy toqtatyldy.