Mańǵystaýda 20 myńǵa jýyq jetkinshek alǵash ret mektep tabaldyryǵyn attaıdy

AQTAÝ. QazAqparat - Mańǵystaýda 2023-2024 oqý jylynda 569 bilim berý uıymy jumysyn bastaıdy. Bul týraly Mańǵystaý oblystyq bilim basqarmasynyń baspasóz qyzmetinen málim etti, dep habarlaıdy QazAqparat tilshisi.

Barlyq bilim berý uıymynyń 356-i balabaqsha, 188-i mektep, 25-i kolledj.

«Balabaqshalarǵa 42 myń bala, mektepterge 183 myńǵa jýyq oqýshy, kolledjderge 5500-den astam stýdent keledi dep josparlanyp otyr» delingen baspasóz málimetinde.

Sondaı-aq oblys kóleminde 10 jekemenshik mektep ashylyp, oqýshy qabyldamaq.

1-synypqa qujat qabyldaý 1 sáýirden 1 tamyzǵa deıingi aralyqta júrgizildi. Oblys turǵyndarynan 20 myńǵa jýyq ótinish kelip tústi.

Barlyq mektepterge aǵymdaǵy jóndeý jumystary júrgizildi.

33 mektep 79 jańa tıptegi kabınettermen jabdyqtalyp jatyr.