Mańǵystaý turǵyndarynyń sany 2,8 paıyzǵa ósti

AQTAÝ. QazAqparat – Mańǵystaý obylsynda halyq sany byltyrmen salystyrǵanda 2,8 paıyzǵa ósti. 1 maýsymdaǵy statıstıkaǵa sáıkes qazir óńirde 775 805 adam turady. Bul týraly óńirlik statıstıka departamentiniń basshysy Rımma Ýtıýsheva málim etti, dep habarlaıdy QazAqparat tilshisi.

Mańǵystaý oblysyndaǵy 775 805 turǵynnyń 350 964-i qalada (45,2%), 424 841-i (54,8%) aýylda turady. Halyq sany oblystyń barlyq aýdandarynda ósken.

«Munaıly aýdanynda turǵyndar sany edáýir ósti – 1,5% (166 284 adam), Aqtaý qalasynda – 1,3% (275 328 adam), Jańaózen qalasynda – 1,1% (149 574 adam) jáne Túpqaraǵan aýdany boıynsha – 1% (39 443 adam). Halyq sanynyń shamaly ósimi Mańǵystaý aýdanynda – 0,5% (35 501 adam), Beıneý aýdanynda – 0,4% (72 791 adam), Qaraqııa aýdanynda – 0,4% (36 884 adam) baıqaldy», - dedi Rımma Ýtıýsheva qoǵamdyq kommýnıkatsııa ortalyǵynda ótken brıfıngte.

Sonymen qatar, bıyl qańtar-mamyr aılarynda Mańǵystaý oblysynda 8 337 sábı dúnıege kelgen. Onyń ishinde 4 346 ul, 3 991 qyz bala.

Osy kezeńde oblysta 1 296 adam qaıtys boldy. Onyń kóbi Aqtaý qalasynda (503 adam) tirkelgen.

Azamattyq hal aktilerin tirkeý organdary 1 980 nekeni tirkedi. Bul byltyrǵy eseptik kezeńmen salystyrǵanda 2%-ǵa artyq. Sonymen qatar, bıylǵy 5 aıda ajyrasý sany byltyrǵy sáıkes kezeńimen salystyrǵanda 24,6%-ǵa azaıyp, 156 boldy. Aqtaý qalasynda 83 ajyrasý jaǵdaıy tirkeldi.