Mańǵystaý oblysynda sharýalarǵa 2,5% mıkronesıe beriledi
«Aýyl halqynyń tabysyn arttyrý» pılottyq jobasy negizinde ár jyl saıyn iriktelgen aýyldyq okrýgterde iske asady. Atap aıtqanda Ómirzaq, Rahat, Kendirli, Beıneý, Boranqul, Quryq, Senek, Jetibaı, Shetpe, Jyńǵyldy, Tuşyqudyq, Batyr, Mańǵystaý, Baıandy, Qyzyltóbe, Dáýlet, Saıyn Shapaǵatov, Aqshuqyr, Baýtın aýyldarynda júzege asyrylmaq.
«Jobanyń maqsaty – aýyl turǵyndaryn jumyspen qamtý jáne áleýetin kóterý, aýyl sharýashylyǵy salasyn damytý.
Mańǵystaý oblysynda aýyl sharýashylyǵyna qatysty jeke kásipkerlerge – 8,6 mln teńgege deıin, al kooperatsııa ıelerine 27,6 mln teńgege deıin 2,5 paıyzben mıkrokredıt berilmek. Mıkrokredıt merzimi 5-ten 7 jylǵa usynylady.
Joba aıasynda 2023 jyldyń sońyna deıin óńirde 170 kásipker mıkronesıe alady dep kútilýde. Joba sáýir-mamyr aılarynda bastalady», - deıdi Mańǵystaý oblystyq aýyl sharýashylyǵy basqarmasynyń basshysy Qazbek Táshimov.
Mıkrokredıt alý úshin tómendegi talaptar qoıylady:
1) Kepildiń bolýy;
2) QR-dyń salyq zańnamasyna sáıkes salyq organdarynda tirkeýdiń bolýy;
3) Bıznes-jobasynyń bolýy.
Mıkrokredıt alý úshin qajetti qujattar:
1. Ótinish;
2. Jeke basty kýálandyratyn qujat;
3. Kredıt alý tarıhy;
4. Sýbektiniń barlyq málimetterdi berýge jáne alýǵa kelisimi;
5. Bıznes-jospar;
6. Qaryz alýshynyń ýákiletti organynyń mıkrokredıt alý, múlikti kepilge berý jónindegi mámileni maquldaý týraly sheshimi;
7. Resimdelgen múlikti kepilge berý jónindegi kepil berýshilerdiń kelisimi;
8. Qyzmet kórsetetin bankten shottyń bar ekendigi týraly anyqtama;
9. Nesıelik bereshektiń, onyń ishinde qarjy uıymdarynan merzimi ótken bereshektiń bolýy týraly anyqtama (kredıtter bolǵan kezde);
10. Qaryz alýshynyń jalaqysyn jáne/nemese ózge de kiristerin rastaıtyn qujat (jınaqtaýshy zeınetaqy qorynyń úzindi kóshirmesi);
11. Baǵalaý týraly esep;
12. Kepil berýshi jáne kepilmen qamtamasyz etý jónindegi qujattar.
