Mańǵystaý oblysyna 1 500 nysanaly grant bólindi

AQTAÝ. QazAqparat - Mańǵystaýǵa bıyl pedagogıka ǵylymdary, jaratylystaný, matematıka jáne statıstıka, aqparattyq-kommýnıkatsııalyq tehnologııalar men mashına jasaý, óńdeý jáne qurylys ónerkásibi mamandyqtaryna qosymsha 1 500 nysanaly bilim berý granty bólingen. Sonymen qatar jergilikti bıýdjetten 175 grant bólindi, dep habarlaıdy QazAqparat tilshisi.

«Oblystyń bıylǵy mektep bitirýshi túlekteri jalpy konkýrsqa da, nysanaly grant konkýrsyna da qatysa alady. Degenmen 1 baǵytty tańdaýy tıis. ıAǵnı, nysanaly grant konkýrsyn tańdaǵan talapker – osy baǵyttaǵy joǵary oqý oryndaryn tańdaıdy. Al jalpy konkýrsqa qatysqysy keletin túlek nysanaly grant konkýrsyna qatysa almaıdy. Sonymen qatar 2023-2024 oqý jylynda otandyq joǵary oqý oryndardaryna túsý úshin UBT-nyń shekti baldary naqtylandy. Atap aıtsaq, «Quqyq» jáne «Pedagogıkalyq ǵylymdar» bilim berý salalary úshin keminde – 75 ball, «Densaýlyq saqtaý jáne áleýmettik qamtamasyz etý (medıtsına)» – 70 ball, «Aýyl sharýashylyǵy jáne bıoresýrstar», «Veterınarııa» keminde – 60 ball. Talapker ulttyq joǵary oqý ornyna túsý úshin keminde – 65, al ózge de joǵary oqý oryndaryna keminde 50 ball jınaý kerek. Ár pán boıynsha shekti 5 ball jınaýy tıis», – dedi Mańǵystaý oblystyq Bilim basqarmasynyń bólim basshysy Klara Qulataeva.

Aıta ketsek, 5-20 shilde aralyǵynda Aqtaý qalasynyń 28 shaǵyn aýdanyndaǵy №20 mektepte keńes berý jáne qujat qabyldaý pýnkti jumys jasaıdy. Bul jerge 1 500 nysanaly grant bólingen 42 JOO ókilderi keledi.

Budan bólek, talapkerler oblys ákiminiń grantyna 5-10 tamyz aralyǵynda qujat tapsyra alady. Konkýrs komıssııasynyń otyrysy 20 tamyzǵa deıin ótedi. Grant ıegerleriniń tizimi 20 tamyzdan keıin Bilim basqarmasynyń saıtynda jarııalanbaq. Atalǵan konkýrs jónindegi aqparattar 10 shildege deıin Bilim basqarmasynyń ınternet-resýrstarynda habarlanady.

Aıta keteıik, otandyq JOO-ǵa túsý úshin talapkerler jeke kýálik, UBT sertıfıkaty, 3h4 kólemindegi foto, orta bilim týraly attestat (tehnıkalyq jáne kásiptik bilim berý (TjKB) uıymdarynyń túlekteri úshin dıplom), № 075/ý nysanyndaǵy medıtsınalyq anyqtama jáne er jigitter áskerı tirkelý kýáligin tapsyrý kerek. Sondaı-aq jeńildetilgen sanat boıynsha konkýrsqa qatysý úshin rastaıtyn qujattar usynylady.