Mańǵystaý meshitterinde juma namazyn oqýǵa ruqsat berildi
Bul týraly oblystyq din isteri basqarmasynyń basshysy Maqsatbek Mahanbetov málim etti.
«Koronavırýs ınfektsııasynyń taralýyna qarsy vedomstvoaralyq komıssııanyń 24 aqpandaǵy sheshimine sáıkes 1 naýryzdan bastap epıdemıologııalyq jaǵdaıdyń «jasyl aımaǵynda» 7 kún boıy ornalasqan óńirlerde bir adamǵa 4 sharshy metr esebimen tolymdylyǵy 30% deıin juma namazyn ótkizýge ruqsat berildi»,-dedi Maqsatbek Mahanbetov.
Degenmen juma namazyn óteý úshin meshitke kelýshilerge qoıylatyn talaptar bar.
«Atap aıtsaq, meshitke mindetti túrde betperde taǵyp kirý, meshit kireberisinde arnaıy antıseptık paıdalaný, dáretti barynsha úıden alyp kelý, meshit ishinde belgili araqashyqtyqty saqtaý, bir-birimen qol alyspaý, namaz oqyǵanda araqashyqtyq 1,5 metrden jaqyn bolmaý, namazdy arnaıy belgilengen orynda oqý, meshit ishinde uzaq ýaqyt qalmaý, dene qyzýy 37 gradýstan joǵary, sondaı-aq tumaý jáne basqa da aýrý belgileri bar adamdar meshitke kelmeýi kerek. Al, jasy 65-ten asqan qarııalardyń, balalar men áıel kisilerdiń meshitke kelmegeni durys»,- deıdi oblystyq Beket ata meshitiniń bas ımamy Ánýar Eljanov.
