Mańǵystaýda jol-kólik apatynan 10 adam qaza tapty

AQTAÝ. KAZINFORM — Jantúrshigerlik oqıǵa 11 qyrkúıek kúni Mańǵystaý oblysy Qaraqııa aýdany Senek eldi mekeninen 90 shaqyrym qashyqtyqta ornalasqan avtojolda bolǵan.

Mańǵystaý oblystyq polıtsııa departamentiniń habarlaýynsha, aldyn ala málimetter boıynsha, «Toyota Hiace» markaly avtokóliktiń júrgizýshisi rólge ıe bola almaı, saldarynan kólik jol shetine aýdarylyp ketken. Kóliktiń ishinde jolaýshylar bolǵan.

— Jol apatynyń saldarynan 8 adam oqıǵa ornynda kóz jumdy, taǵy eki adam aýrýhanaǵa jetkizý barysynda qaıtys boldy. Júrgizýshi men eki jolaýshy túrli jaraqattarmen aýrýhanaǵa jatqyzyldy, — delingen habarlamada.

Atalǵan derek boıynsha qylmystyq is qozǵalǵan. Qazirgi ýaqytta oqıǵanyń mán-jaıyn anyqtaýǵa baǵyttalǵan sotqa deıingi tergeý amaldary júrgizilip jatyr. Qajetti sot-medıtsınalyq saraptamalar taǵaıyndalǵan.

Eske salsaq, budan buryn CQO-daǵy jol apatynan eki polıtseı kóz jumdy.