Mańǵystaýda jyl basynan beri 300-den astam adam qutqaryldy
Mańǵystaýda jyl basynan beri óńir qutqarýshylarynyń kómegimen 300-den astam adam qutqarylyp, 600-ge jýyq adam qaýipsiz jerge kóshirilgen, dep habarlaıdy Kazinform.
Oblysta apatty jaǵdaıdyń aldyn alý jumystary turaqty júrgizilýine qaramastan tótenshe oqıǵalar men órt tutaný jaǵdaıy jıi tirkeledi.
«Osy jyldyń 9 aıynda Mańǵystaý oblystyq Tótenshe jaǵdaılar departamentiniń 101 jáne 112 shuǵyl qyzmetter telefonyna 150 myńnan astam qońyraý tústi. Bul rette jergilikti qutqarý qyzmetiniń materıaldyq-tehnıkaalyq jaǵdaıyn jaqsartý maqsatynda oblys ákimdiginiń úlesi zor. Tek osy jyly jergilikti bıýdjetten mańǵystaýlyq qutqarýshylardyń parki 33 dana arnaıy órt sóndirý jáne qutqarýǵa arnalǵan, sonyń ishinde sý aıdyndarynda paıdalanylatyn jańa tehnıkalarmen tolyqtyryldy», - dedi Mańǵystaý oblystyq Tótenshe jaǵdaılar departamentiniń óńirlik azamattyq qorǵanys basqarmasynyń bastyǵy.
Jalpy sońǵy 28 jylda Mańǵystaýda 5 myńǵa jýyq adam qutqarylyp, onyń 18 myńnan astamy evakýatsııalanǵan. 70-ten astam azamatqa alǵashqy medıtsınalyq kómek kórsetilgen.
