Mańǵystaýda úsh myńǵa jýyq aǵash otyrǵyzyldy
Mańǵystaý oblysynda «Búkilqazaqstandyq aǵash otyrǵyzý» kúnine oraı 2860 aǵash otyrǵyzyldy, dep habarlaıdy Kazinform.
Kóshet egý naýqanyna aýdan, qalalardan barlyǵy 1060 adam qatysqan. Olardyń arasynda memlekettik mekemeler men qoǵamdyq uıymdar ókilderi, buqaralyq aqparat quraldary qyzmetkerleri jáne turǵyn úı-kommýnaldyq sharýashylyq mekemeleriniń jumysshylary bar. Mańǵystaý oblystyq tabıǵı resýrstar jáne tabıǵatty paıdalanýdy retteý basqarmasy basshysynyń orynbasary Qaıdar Tóleýshovtyń aıtýynsha, ekologııalyq aktsııanyń basty maqsaty – óńirdegi jasyl jelekter sanyn kóbeıtý jáne olardy saqtaý.
«Aqtaý qalasy boıynsha 120 adam qatysyp, 150 túp aǵash, Jańaózen qalasy boıynsha 220 adam 1000 túp aǵash, Túpqaraǵan aýdanynda 120 adam 400 túp aǵash, Beıneý aýdany boıynsha 160 adam 500 túp aǵash, Munaıly aýdany boıynsha 150 adam 350 túp aǵash, Qaraqııa aýdany boıynsha 250 adam 350 túp aǵash, Mańǵystaý aýdany boıynsha 40 adam 110 túp aǵash otyrǵyzdy», - dedi Qaıdar Tóleýshov.
Mańǵystaý oblystyq orman sharýashylyǵy jáne janýarlar dúnıesi aýmaqtyq ınspepktsııasy basshysy Ǵabbas Dosatov turǵyndardy aktsııaǵa atsalysýǵa shaqyrdy.
«Búgingi naýqan oblysymyzdy kógaldandyryp, abattandyrý úshin ótkizilip jatyr. Sondyqtan turǵyndardy osyndaı naýqandarǵa belsendi atsalysýǵa shaqyramyn. Sonymen qatar aǵashtardy syndyrmaýǵa, kútip-baptaýǵa, qoldaryńyzdan kelgenshe úılerińizdiń aldyna aǵash otyrǵyzyp, olardy sýaryp turýǵa keńes beremin!», - dedi Ǵabbas Dosatov.
