Mańǵystaýda sarbazdy atyp óltirgen ofıtser 13 jylǵa sottaldy
ASTANA. KAZINFORM – Astana qalasynyń qylmystyq ister jónindegi áskerılendirilgen aýdanaralyq sotynda Mańǵystaýdaǵy áskerı bólimde merzimdi qyzmettegi sarbazdy tapanshamen atyp óltirgen ofıtserge úkim oqyldy.
- Damır Dosov QR Qylmystyq kodeksi 99-babynyń 1-bóliginde kózdelgen qylmys jasaǵany úshin kináli dep tanylsyn. Oǵan 13 jylǵa bas bostandyǵynan aıyrý jazasy taǵaıyndalsyn, - dedi sýdıa Tamara Korolevskaıa.
Sot úkimi kúshinde qalsa, aıyptalýshy qaýipsizdigi ortasha mekemede jazasyn óteıdi. Sondaı-aq, Damır Dosov áskerı sheninen de aıyryldy.
Kóz jumǵan sarbazdyń anasy Ásııa Barqulovanyń 50 mln teńge moraldik shyǵyn týraly talap aryzy ishinara qanaǵattandyryldy. Sot kináli tarapty oǵan 20 mln teńge tóleýge mindettedi.
Aıta ketý kerek, jyl basynda Jetisý oblysyndaǵy Saryózek gornızonynda da sarbaz ólimi tirkeldi.