Mańǵystaýda neshe aqqý qyrylǵany belgili boldy

AQTAÝ. KAZINFORM — 10 aqpan kúni Saın Shapaǵatov aýylynyń jaǵalaýynda júrgizilgen tekserý barysynda ınspektsııa qyzmetkerleri 9 aqqýdyń óleksesin anyqtaǵan. 

Aýdandyq veterınarııa mamandary qyrylǵan qustardan, al ekologııa departamenti qyzmetkerleri teńiz sýynan synama aldy.

Aqqýlardyń ólekseleri jınalyp, aýdandyq veterınarııalyq qyzmettiń kúshimen arnaıy belgilengen jerde órtelgen. Bul týraly oblystyq orman sharýashylyǵy jáne janýarlar dúnıesi aýmaqtyq ınspektsııasy habarlady. 

- Óńirde aqqýlardyń jappaı qyrylý derekteri tirkelgen joq. Saın Shapaǵatov aýylynyń jaǵalaýynan 9 óli aqqý tabyldy.

Sondaı-aq, 8-9 aqpan kúnderi 14-shi jáne 4A shaǵyn aýdandarynyń jaǵalaý aýmaqtarynda, Aqjelken (Prımorskıı) turǵyn alabynda 11 óli aqqý tabyldy, - delingen habarlamada.

Buǵan deıin, Aqtaýda jaǵalaýdan ólgen aqqýlar tabylǵan bolatyn.