Mańǵystaýda qatty jelden turǵyn úılerdiń shatyry ushty

Mańǵystaý oblysy Beıneý aýdany Boranqul aýylynda qatty jeldiń saldarynan turǵyn úıdiń shatyry ushty. Bul týraly Mańǵystaý oblystyq Tótenshe jaǵdaılar departamentiniń baspasóz qyzmeti málim etti, dep habarlaıdy Kazinform.

- Boranqul aýylynda ekpini 9-16 m/s deıingi jeldiń saldarynan Táýelsizdik kóshesindegi 2 qabatty turǵyn úıden 100 sharshy metr jáne 40 sharshy metr qańyltyr ushyp ketken, - delingen baspasóz málimetinde. 

Aıta ketsek, jyl basynan beri oblysta qatty jeldiń kesirinen 12 ǵımarattyń shatyry ushyp ketken. 

Al tótenshelikter aldaǵy kúnderi qatty jel turyp, daýyl bolatynyn, soǵan oraı turǵyndardyń saq bolýyn eskertip otyr.