Mańǵystaýda bıýdjet qarjysy ıgerilmeýiniń birneshe sebebi anyqtaldy
Mańǵystaýǵa bıyl el qazynasynan bólingen qarjynyń 94,5 paıyzy ǵana ıgerilgen. Jyldyń aıaqtalýyna úsh aıdyń ústinde ýaqyt qaldy. Biraq jergilikti bılik áli 2,4 mlrd teńge kólemindegi qarjyny ıgermegen. Onyń birneshe sebebin Mańǵystaý oblysy qarjy basqarmasynyń basshysy Svetlana Nareshova málim etti, dep habarlaıdy Kazinform.
- Bıýdjet qarjysynyń ıgerilmeýiniń negizgi sebepteri - atqarlyǵan jumystar úshin jumys aktisiniń ýaqytyly usynylmaýy, tólemderdiń naqty júrgizilgen jumys kólemine júrgizilýi. Memlekettik satyp alý qorytyndylarynyń shaǵymdaný jáne jekelegen jobalar boıynsha joba qunynyń ósýi. Bular negizinen ınjenerlik jeliler qurylysyna jáne «Aýyl - el besigi» baǵdarlamasy aıasynda iske asyrylyp jatqan qoldanystaǵy mektepterge qosymsha qurylys salý, avtomobıl joldaryn salý, aýyldyq klýb qurylystary sııaqty áleýmettik nysandar. Jobalardyń qymbattaýy boıynsha qazirgi tańda salalyq basqarmalar men sol jobalardyń smetalyq qujattamalaryna ózgertý engizý jumystary júrgizilip jatyr», - dedi Svetlana Nareshova.
Al basqa jobalar boıynsha jyldyń sońyna deıin bólingen qarjy ıgerilmek.
