Mańǵystaýda bir-birin aıaýsyz urǵan qyzdardyń tóbelesi tarady

AQTAÝ. KAZINFORM — Oqıǵa Jańaózen qalasynda bolǵan. Jasóspirimder bir-birine aýyr sózder aıtyp, arty janjalǵa ulysqan.

Jańaózen qalalyq polıtsııa basqarmasy bastyǵynyń orynbasary Serjan Túıeshıevtiń aıtýynsha, beınejazba boıynsha tekserý júrgizilip, oqıǵanyń 18 qazan kúni keshki saǵat 20:00 men 21:00 arasynda bolǵany anyqtalǵan.

Tóbeleske 8 ben 9-synyptarda oqıtyn eki qyz jáne kolledjde 2-kýrsta oqıtyn 18 jasar qyz qatysqan. Olar bir-birine aýyr sózder aıtyp, arty janjalǵa ulysqan. 

— Qazirgi tańda atalǵan derek boıynsha jasóspirimder men ata-analaryna qatysty QR Ákimshilik quqyq buzýshylyq týraly kodeksiniń 127 babyna saı ákimshilik hattama jasaqtalyp, aıyppul salyndy. Іs sotqa joldandy. Ata-analarǵa úı qamaq jazasy nemese aıyppul salynýy múmkin. Sonymen qatar, 3 qyz da polıtsııa basqarmasynyń esebine qoıyldy, — deıdi Serjan Túıeshıev.

Bqǵan deıin, Mańǵystaýda oqýshy qyzdar tóbelesip, ata-analary jaýapqa tartylǵan edi.