Mańǵystaýda «Ámınıada-2023» respýblıkalyq jarysynyń jeńimpazdary marapattaldy

Aqtaýda  Ámın Elemesuly Tuıaqovtyń qurmetine oraı bıyl XIV ret 2006-2007 jáne 2009-2010 jyldary týǵan jasóspirimder arasynda jeńil atletıkadan «Ámınıada-2023» respýblıkalyq jarysy ótti, dep habarlaıdy QazAqparat tilshisi. 

Týrnırge Ámın Tuıaqovtyń ózi arnaıy keldi. Jarysqa Oral, Aqtóbe, Jańaózen, Aqtaý qalasynan jáne Túpqaraǵan, Qaraqııa, Munaıly, Beıneý, Mańǵystaý aýdanynan barlyǵy 12 komandadan 192 adam qatysty.

«Jarystyń qorytyndysy boıynsha 200 metr qashyqtyqqa júgirýden qyzdar arasynda 1-oryndy Aqtilek Qonysbaı, 2-oryndy Angelına Kýzmıcheva, 3-oryndy Denız Aslanova, uldar arasynda 1-oryndy Arsen Alıbekov, 2-oryndy Artem Kýshnarev, 3-oryndy Roman Ibragımuly ıelense, 800 metr qashyqtyqqa júgirýden qyzdar arasynda 1-oryndy Sofıa Pashkova, 2-oryndy Polına Gorbatnıkova, 3-oryndy Taısııa Loskýtova, uldar arasynda 1-oryndy Nabı Orynbasar, 2-oryndy Rasýl Shorahanov, 3-oryndy Danııar Týrsynov ıelendi. Sondaı-aq 1500 metr qashyqtyqqa júgirýden qyzdar arasynda Sofıa Pashkova jeńis tuǵyrynyń birinshi satysynan kórinse, Nýraı Azımýratova ekinshi satyǵa, Dıana Salmına úshinshi satyǵa kóterildi. Al uldar arasynda júldegerler qatarynan Nabı Orynbasar, Rasýl Shorahanov, Danııar Tursynov kórindi», - dep málim etti Mańǵystaý oblystyq sport basqarmasynyń baspasóz qyzmetinen.

Aıta keteıik, Ámın Tuıaqov – KSRO eńbek sińirgen sport sheberi. Ol 10 jyl boıy jeńil atletıkadan KSRO qurama komandasynyń quramynda óner kórsetken. Sonymen qatar KSRO chempıonattarynda 6 ret chempıon, 10 ret júldeger atanǵan. 14 ret KSRO Qarýly Kúshteriniń chempıony ataǵyn aldy.

HH ǵasyrdyń eń myqty sportshylarynyń ondyǵyna kirdi. Dúbirli doda tanymal tulǵanyń esimin áıgileý ári óskeleń órenderge ósıet etý maqsatynda 2009 jyldan beri úzbeı ótkizilip keledi.