Mańǵystaýda 69 kitaphana oqyrmandarǵa qyzmet kórsetedi
Mańǵystaý oblysynda 69 kitaphana halyqqa qyzmet kórsetedi. Jyl saıyn aýyl, aýdandarda jańa kitaphana ǵımarattary qoldanysqa berilip jatyr, dep habarlaıdy Kazinform.
Oblysta barlyǵy 221 kitaphanashy bar, onyń 57%, ıaǵnı 127 mamannyń bilimi joǵary.
- Jyl saıyn aýyl, aýdandarda jańa kitaphana ǵımaraty qoldanysqa berilip jatyr. Qajetti jańa tehnıkalyq jabdyqtarmen jaraqtandyrylǵan. 31 kitaphana tıptik meken jaıda ornalasqan. Búginde oblystaǵy barlyq kitap qory 1 mln 478 myńnan astam kitapty quraıdy, - dedi Mańǵystaý oblystyq mádenıet, arhıvter jáne qujattama basqarmasy basshysynyń orynbasary Gúlzaıda Tóleýǵalıeva.
24 qazan – kitaphanashylar kúnine oraı óńirde birqatar shara uıymdastyrý josparlanǵan.
- Merekege oraı Aqtaý qalalyq ortalyq kitaphanasynda «Ushqyr oı» ıntellektýaldy quiz saıysy, Qaraqııa aýdanynda ardager kitaphanashylarmen «Kitaphana kelbeti» taqyrybynda kezdesý, Mańǵystaý aýdanynda «Jas urpaqqa tárbıe berýdegi kitaphananyń róli» taqyrybynda semınar, Jarmysh kitaphanasynda «Búgingi aýyl kitaphanasynyń beınesi» atty semınar, «Kitaphana bolashaǵy- jas mamandar qolynda» saıysy, Túpqaraǵanda «Úzdik kitaphanashy-2023» saıysy onlaın formatta ótkizildi. Beıneý aýdandyq kitaphanasynda «Úzdik kitaphanashy-2023» saıysy ótedi,-dedi abıbolla Sydıyquly atyndaǵy Mańǵystaý oblystyq ámbebap kitaphanasynyń dırektory Záýre Aıtýarova.
