Mańǵystaý oblysyna 3 aıda 70 myńnan astam týrıst keldi
AQTAÝ. KAZINFORM – Mańǵystaý oblysyna bıyl 3 aıda 64 895 otandyq, 5 607 sheteldik týrıst kelgen. Bul týraly týrızm basqarmasynyń basshysy Nurádil Imanǵalıev málimdedi.Basqarma basshysynyń aıtýynsha, óńirde týrızmdi damytý maqsatynda, sońǵy 6 aıda kóptegen is-shara ótkizilgen.
23-25 sáýir aralyǵynda Almaty qalasynda 23-shi Qazaqstandyq halyqaralyq «Týrızm jáne saıahat» KITF-2024 kórmesi ótti.
23 mamyr kúni Mańǵystaý oblysyna Tatarstan Respýblıkasy Qazan qalasynan jańa charterlik reıs ashylyp, 100-ge jýyq týrıst keldi.
28 mamyrda birqatar ıtalıandyq BAQ «DOVE», «The Good Life» jáne «National Geographic» jetekshi trevel basylymdarynyń ókilderi elimizdiń týrıstik áleýetimen tanysý jáne álemdik deńgeıde jarııalaý úshin Mańǵystaýǵa saparlady.
Maýsym aıynda 27 memleket qatysatyn Pekın-Parıj baǵytyndaǵy halyqaralyq rallı kólikteri Mańǵystaýǵa keldi. Sonymen qatar Frantsııa elinen 4 Paralèlles 12 Méridiens frantsýz týroperatorlyq kompanııasy kelip, óńirdegi Beket Ata, Shopan Ata, Shaqpaq Ata jáne basqa da jerasty meshitterdi sońdaı-aq Sartas, Qapamsaı, Torysh, Tuzbaıyr, Bozjyra shatqaly, Boqty taýy jáne basqa da kórikti týrıstik oryndardy aralap, Mańǵystaýdyń ulttyq salt-dástúrimen tanysty.
- Shildede Kazakh Tourism ulttyq kompanııasy Qazaqstannyń ártúrli aımaqtarynda týrızmmen aınalysatyn jáne salaǵa jaýapty qyzmetkerler úshin, sonyń ishinde Mańǵystaý oblysynyń týrızm basqarmasy qyzmetkerlerine bir aptalyq «Týrızm kóshbasshylyq akademııasy» biliktilikti arttyrý kýrstaryn ótkizdi. Sodan keıin QR Ázirbaıjandaǵy Elshiliginde Qazaqstan-Ázerbaıjan týrıstik forýmy ótti. Aǵymdaǵy jyldyń 22-23 shilde aralyǵynda Ulybrıtanııa elinen «Bold by Nature Kazakhstan» sheteldik delegatsııa kelip, óńirdiń kórikti aımaqtarynda túsirilim jasady. Al, 3-tamyzda «Tetysblu» taqyryptyq saıabaǵynyń aýmaǵynda «Picnic by Partners» is-sharasy ótkizildi. Bul bastamalar sala mamandarynyń tájirıbe jınap, damýyna aıtarlyqtaı yqpal etti, - deıdi Nurádil Imanǵalıev.
Bıyl oblysta 2 ınvestıtsııalyq joba iske qosylǵan. Olar «Apart-hotel HIDE» jobasy jáne Jyly jaǵajaıdaǵy «Zhagalau Resort» demalys bazasy.
Osy jyldyń sońyna deıin jalpy somasy 44 mlrd teńgege 100 jumys ornyn qurý arqyly 3 jobany iske asyrý josparlanýda. Atap aıtqanda «Town Center» saýda qatarlary, Vıllalar men páterler kesheni qurylysynyń 2-kezeńiniń qurylysy, «Wyndham Garden Aktau» qonaq úı kesheniniń qurylysy. Bul jobalar óńir ekonomıkasynyń damýyna mýltıplıkatıvti oń serpin bere otyryp, týrısterdiń qyzyǵýshylyǵyn odan ári arttyra túspek.
