Mańǵystaý atom energetıkalyq kombınatynyń bas dırektory taǵaıyndaldy
Mańǵystaý oblysyndaǵy mańyzdy strategııalyq «MAEK» JShS-niń bas dırektory taǵaıyndaldy. Óńir ákimi Nurlan Noǵaev «MAEK» JShS ujymyna kásiporynnyń jańa bas dırektoryn tanystyrdy.
Kásiporynnyń jańa bas dırektory laýazymyna «Elektr energııasy men qýaty rynogynyń Qazaqstandyq operatory» AQ-da basqarma tóraǵasy qyzmetin atqarǵan Qaırat Rahymov kiristi.
Qaırat Rahymov Qaraǵandy memlekettik tehnıkalyq ýnıversıtetin, Qaztutynýodaǵy Qaraǵandy ekonomıkalyq ýnıversıtetin jáne Seýl ulttyq ýnıversıtetin «ınjener-elektrık», «quqyqtaný» jáne «ınjenerııa magıstri» mamandyqtary boıynsha aıaqtaǵan.
Eńbek jolyn 2006 jyly «Qaraǵandy-Jaryq» JShS-de elektromonter bolyp bastaǵan. 2007 jyldan 2008 jylǵa deıin QR Tabıǵı monopolııalardy retteý Agenttiginiń Qaraǵandy oblystyq basqarmasynda memlekettik monopolııany retteý jáne taldaý bóliminiń jetekshi mamany.
2008 jyldan 2009 jylǵa deıin QR Tabıǵı monopolııalardy retteý agenttiginiń elektr jáne Jylý energetıkasy salasyndaǵy retteý departamentiniń tarıftik, Tehnıkalyq retteý jáne ádisnama basqarmasynyń Tehnıkalyq retteý máseleleri jónindegi sarapshysy retinde jumys istedi.
2009 jyldan 2010 jylǵa deıin QR Energetıka jáne mıneraldyq resýrstar mınıstrligi energııa únemdeý, energııa tıimdiligi jáne jańartylatyn energııa kózderi departamenti energııa únemdeý, energııa tıimdiligi jáne jańartylatyn energııa kózderi salasyndaǵy memlekettik saıasatty úılestirý basqarmasynyń bas sarapshysy, 2010 jyldan 2015 jylǵa deıin QR Energetıka mınıstrligi men Indýstrııa jáne jańa tehnologııalar mınıstrliginde Elektr energetıkasy jáne kómir ónerkásibin damytý departamentiniń bas sarapshysy, basqarma bastyǵy bolyp jemisti eńbek etti.
2015 jyldan 2018 jylǵa deıin QR Energetıka mınıstrligi Elektr energetıkasy jáne kómir ónerkásibi departamentinde dırektordyń orynbasary, 2018 jyldan 2020 jylǵa deıin QR Energetıka mınıstrligi Elektr energetıkasyn damytý departamentiniń dırektory boldy.
2020 jyldan 2021 jylǵa deıin QR Energetıka mınıstrliginiń vıtse-mınıstri qyzmetin atqarǵan.
Al 2022 jyldan bastap búgingi kúnge deıin «Elektr energııasy men qýaty rynogynyń Qazaqstandyq operatory» AQ-da basqarma tóraǵasy bolyp jumys istedi.
Óńir basshysy jańa basshynyń tájirıbesi oǵan kásiporyn aldynda turǵan barlyq syn-qaterlerdi eńserýge múmkindik beretinine senim bildirip, energııa kombınatynyń jumysyna qatysty birqatar naqty tapsyrmalar berdi.
Byltyr jeltoqsan aıynda MAEK JShS-niń bas dırektory Jasulan Súıinshalıev óz erkimen qyzmetinen ketken bolatyn. Ol atalǵan seriktestikti 2022 jyldyń jeltoqsan aıynan beri basqaryp keldi.
Buǵan deıin Mańǵystaý oblysynyń ákimi Nurlan Noǵaev Mańǵystaý atom energetıkalyq kombınatyndaǵy jóndeý jumystary qashan aıaqtalatyndyǵyn aıtqan edi.
Byltyr jyl ortasynda MAEK JShS-de apatty jaǵdaı oryn alyp, óńirde jaryq berýge qatysty másele týyndaǵan edi.
Sol ýaqytta MAEK-tegi apat saldarynan oblystaǵy munaı óndirý kólemi ýaqytsha qysqardy.
