MÁMS júıesinde elordalyqtardyń 18% saqtandyrylmaǵan

ASTANA. QazAqparat – MÁMS júıesinde elordalyqtardyń 82 paıyzy saqtandyrylǵan. Bul týraly BAQ ókilderiniń qatysýymen ótken brıfıng barysynda «Áleýmettik medıtsınalyq saqtandyrý qory» Astana qalalyq fılıalynyń dırektory Nurlybek Qabdyqaparov málim etti, dep habarlaıdy QazAqparat tilshisi.

«Qazirgi ýaqytta Astana qalasy turǵyndarynyń 82 paıyzy mindetti áleýmettik medıtsınalyq saqtandyrý júıesiniń qatysýshylary bolyp tabylady. 31 qazandaǵy jaǵdaı boıynsha MÁMS júıesine qatysýshylar sany - 1 070 887. Áli 235 187 qala turǵyny qamtylmaı, mindetti áleýmettik medıtsınalyq saqtandyrýdan tys qalyp otyr. Bul olardyń josparly jáne joǵary tehnologııalyq medıtsınalyq kómek alýyn, aýrýlardyń aldyn alýyn, medıtsınalyq dıagnostıkaǵa qol jetkizýin qıyndatady. Osy rette engizilgen jańa tólem mehanızmi oń yqpal etedi dep oılaımyz», - dedi Nurlybek Qabdyqaparov.

Aıta keteıik, bıyl qyrkúıekten bastap bir jylǵa aldyn ala jarna tóleý arqyly MÁMS júıesine qatysýdyń jańa tetigi iske qosyldy. Ony eshqashan tólem jasamaǵan jáne júıeli aqsha aýdarmaǵan azamattar qoldana alady. ıAǵnı, endi bul sanattaǵy azamattar ótken kezeńderge aqsha tólemeı, aldaǵy 12 aı úshin jarna aýdaryp, saqtandyrý mártebesin ala alady.