MÁMS: Bıyl kim qansha jarna tóleıdi
2024 jyldyń 1 qańtarynan bastap mindetti áleýmettik medıtsınalyq saqtandyrýǵa tólenetin jarnalar men aýdarymdar mólsheri ózgerdi. Bul týraly Medıtsınalyq saqtandyrý qorynyń Almaty fılıaly dırektory Tileýhan Ábildaev aıtty, dep habarlaıdy Kazinform.
Fılıal basshysy jarna tóleýshilerdiń birneshe sanatyn atap ótti. Birinshisi – memleket tarapynan saqtandyrylatyn 15 jeńildik sanaty.Oǵan balalar, zeınetkerler, soǵys ardagerleri, barlyq toptaǵy múgedekter, «Altyn alqa», «Kúmis alqamen» marapattalǵan kópbalaly analar, jumys istemeıtin júkti áıelder, dekrettik demıalysta otyrǵan analar, múgedek bala kútimine baılanysty jumys istemeıtin azamattar, stýdentter jáne taǵy basóalary kiredi.
Jeńildik berilgen halyqtyń jalpy sany 11 mln-ǵa jýyq. 2024 jyly memlekettiń bir azamatqa tólenetin jarnasy aıyna 5852,63 teńge.
«Atap aıtqanda, bıyl jumys berýshiler qaramaǵyndaǵy qyzmetkerler úshin burynǵysha, jalaqynyń 3% mólsherinde aýdarym jasaıdy.Tólemniń shekti mólsheri 10 ETJ nemese 25 500 teńgeden aspaıdy. Jumys berýshi aýdarymdy óz qaltasynan tóleıdi. Al, jumyskerler jalaqysynan 2% ustap Qorǵa aýdarady. Jarnanyń shekti mólsheri 10 eń tómengi eseptik kórsetkish nemese 17 000 teńgeden aspaýy tıis. Odan keıingi sanat – jeke kásipkerler. Notarıýstar, jeke sot oryndaýshylary, advokattar da osy sanatqa kiredi. Olar burynǵysha 1,4 eń tómengi jalaqynynyń 5 protsentin tóleıdi. Bıyl eń tómengi jalaqynyń ósýine baılanysty bul soma 5950 teńgege jetti», - dedi Tileýhan Ábildaev.
Azamattyq-quqyqtyq kelisimshart boıynsha eńbek etetinder saqtandyrýǵa burynǵysha tabysynyń 2% aýdarady.
«Qazaqstanda ózin-ózi jumyspen qamtyǵan azamattar bar. Bul azamattar saqtandyrý júıesine qosylý úshin eki túrli ádisti paıdalansa bolady. Birinshisi – derbes tóleýshi retinde bir ETJ-nyń 5% nemese 4250 teńge tóleý. Ekinshisi - jeke kásipker retinde tirkelý jáne jarnalardy jeke kásipker retinde tóleý», - ol.
