Mamın Qaraǵandyda eńbek daýynyń aldyn alý máselesin kóterdi
Semınar-jınalystyń taqyryby «Kompanııanyń áleýmettik saıasaty: tájirıbe jáne damý áleýeti» boldy. Otyrys barysynda jalaqyny kóterý, jumys oryndaryndaǵy qaýipsizdik jáne eńbek zańnamasynyń talaptaryn oryndaý týraly áńgime qozǵaldy.
- Elbasy Joldaýynda eńbekaqyny bir jarym ese ulǵaıtý boıynsha sharalar qoldanýǵa tapsyrmalar berildi. Bul eń tómengi eńbekaqy kólemine jáne tómen jalaqy alatyn jumyskerlerdiń aılyq aqysyn kóterýge qatysty aıtylǵan sózder. ERG, KAZMinerals jáne ArcelorMittal Temirtau sekildi kompanııalary 2019 jyldyń 1 qańtarynan bastap qyzmetkerlerdiń eńbekaqysy kóteriletini týraly málimdegen. Ol tabysy 25 AEK tómen eki mıllıonnan astam jumyskerlerge qatysty júzege asyrylady, - dedi óz sózinde Asqar Mamın.
Ol sonymen qatar eńbek daýy paıda bolýynyń aldyn alý máselesin kóterdi. Bul maqsatta úkimette arnaıy karta qurylǵan. Oǵan osyndaı shıelenis oryn alý qaýpi anaǵurlym joǵary birneshe aımaqtar engizilgen. Atalmysh tizimde Qaraǵandy oblysy da bar.
Aımaqta eńbek daýynyń aldyn alý úshin qandaı sharalar qoldanylyp jatqany týraly vıtse-premerge Qaraǵandy oblysynyń ákimi Erlan Qoshanov baıandady. 
- Biz áleýmettik saýalnama ótkizdik, jáne de eńbek daýynyń paıda bolýyna yqpal etetin bes faktordy anyqtadyq. Ol - naqty eńbek shartyna jáne jumys kólemine saı kelmeıtin nemese tómen jalaqy kólemi; jumys berýshi men jumysker arasynda qurylymdyq dıalogtyń joqtyǵy; sáıkes kelmeıtin jaǵdaı, eńbek qorǵaýy jáne qaýipsizdiginiń tómen deńgeıi; tıimdi emes kadrlyq saıasat; kásiporyndardyń álsiz áleýmettik baǵyttary - tómen turmystyq jaǵdaı jáne bos ýaqyttyń uıymdastyrylmaǵandyǵy, - dep tizip shyqty Erlan Qoshanov.
«Qazir osy pýnktterdiń árqaısysy boıynsha jumystar jasalyp jatyr. Oblystyń kóptegen kompanııalarymen memorandýmdarǵa qol qoıylǵan, osy kelisimderge saı 2019 jyly olardyń qyzmetkerleriniń eńbekaqysy kóteriletin bolady».
Al jumys berýshiler men jumyskerler úshin dıalogtyq alań qurýǵa keler bolsaq, bul rette ár kásiporyn óz tásilderin izdestirýde.
- Mysaly, «Qazaqmys» rýdnıkterinde óz-ózine qyzmet kórsetý ınteraktıvti beketteri engizildi, olar ujymdaǵy jaıdy qadaǵalaýǵa septigin tıgizetin ádis retinde qarastyrylady. Ár qyzmetker elektrondyq termınal kómegimen jasyryn nemese ashyq túrde problemalary týraly aıtyp, usynystaryn bildire alady. Ol óz kezeginde basshylyqqa naqty jaǵdaıdy kórip, shuǵyl túrde oǵan áreket jasaýǵa kómegin tıgizedi. Keıbir jaıttarda biz dıalog qurýdyń basqa tásilderin qoldanamyz. Osylaısha, «ArselorMıttal Temirtaý» Kómir departamentinde únemi qyzmet etetin jumys toby qurylǵan. Onyń quramyna Kómir departamenti shahtalarynyń barlyq basshylary, kásipodaq jetekshileri jáne eń bastysy - ár eńbek ujymy atynan jiberilgen kenshilerdiń ókilderi engizilgen, - dep atap ótti Erlan Qoshanov.
Buǵan qosa, jumys berýshiler men jumyskerler arasynda daýly jaıttardy sheshý úshin oblysta Tatýlastyrý ortalyǵy qurylǵan, oǵan daýlasýshy jaqtar kómekke júginý úshin kele alady. Eki aıda onda 71 ótinish tirkelgen.
Aımaq basshysy óz baıandamasynda sonymen qatar iri kompanııalardyń kadrlyq saıasatyna qatysty másele qozǵady. Onyń aıtýynsha, atalmysh kásiporyndarda negizgi laýazymdarǵa sheteldik azamattar taǵaıyndalady.
- Aýtstaffıng júıesi, bizdiń pikirimizshe, zańnamalyq deńgeıde retteýdi qajet etedi. Sondaı-aq nazar aýdarýdy talap etetin taǵy bir másele - deńgeıi saı keletin jergilikti mamandar bola tura, sheteldik qyzmetkerlerdiń tartylýy. Turaqtylyqty saqtap qalý úshin jáne tıimdi basqarý úshin jergilikti kadrlyq áleýetti qoldanǵan, óz mamandarymyzdy daıarlaý, jergilikti tájirıbeli qyzmetkerlerden basshylardy daıyndaýdyń mańyzy zor. Osy maqsatta búginnen bastap-aq oblysymyzdyń JOO men kolledjderi iri kompanııalardyń tapsyrysy boıynsha mamandardy daıarlap jatyr. Ol túlekterdiń jumyspen qamtylýyna kepildik beredi, - dedi ol.
Asqar Mamın óz kezeginde aýqymdy tsıfrlandyrýdyń arqasynda 2030 jylǵa qaraı kásiporyndarda adamdar atqaryp jatqan jumystardyń 45% avtomattandyrylatyn atap aıtty. Osylaısha, 2025 jyly aldyn ala esepteýler boıynsha 5 myńǵa jýyq jumyskerlerge suranys joǵalady.
Bul problemany sheshý maqsatynda Qaraǵandy oblysynda qazirden bastap sharalar qoldanylyp jatyr.
- Búgingi tańda 86 iri kásiporyndar jumys resýrstarynyń basqa salaǵa baǵyttalýy boıynsha Jol kartasyn qurdy. Ol úshin biz «Atameken» aımaqtyq kásipkerler palatasymen birlesip, kadrlyq suranysty baqylaý jáne boljaý ortalyǵyn quryp jatyrmyz. Sondaı-aq aldaǵy úsh jylda 27 jańa ınvestıtsııalyq jobalardy iske qosýdyń arqasynda 9000 jumys oryndary qurylady, - dedi Erlan Qoshanov.
