Maman: Ata-anasy az kóńil bóletin bala vırtýaldy oıynǵa ońaı táýeldi bolady

ASTANA. KAZINFORM — Ortalyq Azııa Otbasy ınstıtýtynyń basshysy Elmıra Álıeva elimizde balalar, jasóspirimder, jastar arasynda vırtýaldy oıynǵa táýeldilik máselesi ýshyǵyp bara jatqanyn aıtty.

дети интернет соцсети игры
Фото: freepik

— Elimizde balalar, jasóspirimder jáne jastar arasynda vırtýaldy oıynǵa táýeldiliktiń artýy — ózekti másele. Densaýlyq saqtaý mınıstrliginiń málimetine júginsek, matematıkalyq modeldeý arqyly elimizde vırtýaldy oıynǵa táýeldilikke ushyraǵan 36 myńnan astam adam bar degen boljam jasalǵan. Alaıda bul san Týrızm mınıstrligi usynǵan málimettegi kórsetkishpen saı kelmeıdi. Onda, boljam boıynsha, 450 myń adam dep kórsetilgen. Bundaı alshaqtyqtar osyndaı sanattaǵy, ıaǵnı arnaıy esepke qoıylǵan adamdar týraly resmı derekti ala almaýymyzǵa baılanysty týyndaıdy. Bir naqty derek bar: 2024 jylǵy shilde aıyna deıin resmı túrde medıtsınalyq mekemelerde atalǵan dıagnozben 19 adam ońaltýdan ótken, — dedi ol «Balalar men jasóspirimder arasyndaǵy oıynǵa táýeldilik» taqyrybyndaǵy konferenferentsııa barysynda.

Mamannyń aıtýynsha, balalardyń oıynǵa táýeldiligi kóp jaǵdaıda ata-ananyń jetkilikti dárejede nazar bólmeýinen týyndaıdy. 

— Keıde ata-analar balalarmen shynaıy qarym-qatynas jasaýǵa az ýaqyt bóledi, jumysqa, mansapqa jáne materıaldyq máselelerdi sheshýge tym kóp ýaqyt jumsaıdy. Olardyń qamqorlyǵy árıne qaýipsizdik pen jaılylyqty qamtamasyz etýge degen umtylystan kórinedi, biraq sonymen birge balanyń emotsıonaldy ómirine meıirim, qoldaý jáne aralasý bolmaýy múmkin. Balaǵa bolashaq úshin resýrstar berip qana qoımaı, oǵan empatııany, meıirimdilik pen adamgershilikti damytýǵa kómektesý mańyzdy. Al bul bala ómirine kóńil bólý jáne balany meıirimge bóleý arqyly qalyptasady. Balalar ata-analarynan emotsıonaldy jaqyndyqty, meıirimdi sezinbese, olar tomaǵa tuıyq kúıge túsip, sol jaqyndyq pen meıirimdi basqa jaqtan izdeýi múmkin. Búgingi tańda gadjeti, ınternetke kirýge múmkindik beretin qurylǵysy bar árbir bala ony qyzyqtyratyn san túrli kartınaǵa qol jetkize alady. Ekrannyń arǵy jaǵynda balany qyzyqtyratyn jáne sol qyzyǵýshylyqty ustap qalýǵa tyrysatyn úlken kúsh túr. Álbette, biz tehnıkalyq-vırtýaldy álem týraly aıtyp otyrmyz, — deıdi Qazaqstan jáne Ortalyq Azııa Otbasy ınstıtýtynyń basshysy Elmıra Álıeva.

Aıta keteıik, buǵan deıin ata-ana balasynyń psıhologııalyq dertke shaldyqqanyn moıyndaı almaýy lýdomandardy der kezinde saýyqtyrýǵa úlken kedergi keltiretinin jazǵan edik. 

Сейчас читают