Málik Myrzalın Qoǵamdyq keńes músheleri aldynda esep berdi

KÓKShETAÝ. QazAqparat - Aqmola oblysynyń ákimi Málik Myrzalın oblystyq Qoǵamdyq keńestiń músheleri aldynda 2017 jyl ishinde aımaqtyń damý qorytyndylary týraly baıandap, Elbasynyń «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» Joldaýynyń basty 10 baǵytyn iske asyrý sheńberinde alǵa qoıylǵan josparlarmen bólisti, dep habarlaıdy QazAqparat tilshisi ákimdiktiń baspasóz qyzmetine silteme jasap.

«Negizgi áleýmettik-ekonomıkalyq kórsetkishterge toqtala kelip, oblys ákimi óńirde ınvestıtsııa kólemi 6,1%-ǵa, turǵyn úıdi paıdalanýǵa berý 17%-ǵa, ortasha aılyq jalaqynyń 6%-ǵa óskendigin aıtty. Óńdeý ónerkásibiniń úlesi 80 paıyzǵa artyp, eńbek ónimdiligi 5,2 paıyzǵa deıin ósti», - dedi aımaq basshysy óz sózinde.

Sonymen qatar, Málik Myrzalın agroónerkásiptik keshendi damytýdaǵy basymdyqtarǵa toqtala kele, jerdi tıimdi paıdalaný, sút jáne et óńdeıtin kásiporyndardyń qýatyna shyǵýy qajettigin atap ótti.
 

Keńes músheleriniń suraqtaryna jaýap bere otyryp, óńir basshysy shaǵyn jáne orta bıznestiń damýy,  týrızm, bilim berý, densaýlyq saqtaý, mádenıet jáne sport salasyndaǵy jetistikter, avtokólik jáne ınjenerlik ınfraqurylymdy jaqsartý sharalary týraly habardar etti.

Talqylaý barysynda QR Ulttyq ǵylym akademııasynyń akademıgi, Aqmola oblysynyń qurmetti azamaty Saǵyntaı Elýbaev pen eńbek ardageri Galına Marchenkova oblysta aımaqtyń turaqty damýyn qamtamasyz etýge jáne onyń turǵyndarynyń ál-aýqatyn arttyrýǵa baǵyttalǵan qyrýar jumys atqarylǵanyn atap ótti.

Kezdesý sońynda oblystyq Qoǵamdyq keńes 2017 jyl ishindegi atqarýshy organdardyń jumysyna oń baǵa berip, oblys ákiminiń esebin biraýyzdan qabyldady.