Málik Ǵabdýllın shyǵarmalarynyń 11 tomdyq jınaǵy jaryq kórdi
M.Jumabaev atyndaǵy Aqmola oblystyq ámbebap-ǵylymı kitaphanasynda ótken atalmysh jınaqtyń tusaýkeser sharasyna aımaq basshysy Málik Myrzalın, Almatydaǵy halyqaralyq qazaq PEN klýbynyń prezıdenti Bıgeldi Ǵabdýllın, qoǵam qaıratkeri, jazýshy Jabal Erǵalıev, Sh.Ýálıhanov atyndaǵy Kókshetaý memlekettik ýnıversıtetiniń profesory, pedagogıka ǵylymdarynyń kandıdaty Sábıt Jámbek, Kókshetaý qalasyndaǵy Málik Ǵabdýllın mýzeıiniń dırektory Qudaıberli Myrzabek jáne Málik Ǵabdýllınniń qyzy Maıdan Málikqyzy bastaǵan jazýshynyń týǵan týystary, qoǵam qaıratkerleri, aqyn-jazýshylar, pedagogtyń shákirtteri men buqaralyq aqparat ókilderi qatysty.
Jınaq «Idan» baspasynda 1 000 tırajben basylyp shyqty.
«Rýhanı jańǵyrý» baǵdarlamasy sheńberinde etnopedagogıkalyq jáne ádebı muralaryn nasıhattaý maqsatynda júzege asyrylyp otyrǵan joba batyrdyń shyǵarmashylyǵyn dáripteý arqyly jastar boıyna otansúıgishtik rýh, patrıottyq sezim uıalatý, sonymen qatar mádenıet salasyndaǵy memlekettik saıasatty júzege asyrýǵa septigin tıgizedi», - dedi aımaq basshysy óz sózinde.
Shara barysynda 11 tomdyq jınaq Aqmola oblysynyń eki qalasy men 17 aýdanynan jáne Aqtóbe, Ońtústik Qazaqstan, Soltústik Qazaqstan, Pavlodar oblystary men Astanadan kelgen kitaphana ókilderine úlestirildi.
