Malaızııanyń zeınetaqy qory Qazaqstanmen birlesken jobalardy qarastyrýǵa nıeti bildirdi

ASTANA. QazAqparat - Qazaqstannyń Malaızııadaǵy Elshisi Danııar Sarekenov «KWAP» malaızııalyq zeınetaqy qorynyń Bas atqarýshy dırektory Dato Van Kamarazýman jáne «MRCB» kompanııasynyń basqarýshy dırektory Tan Srı Mohamad Salımmen kezdesti, dep habarlaıdy QazAqparat QR SІM baspasóz qyzmetine silteme jasap.

Kezdesý barysynda elshi Qazaqstannyń ındýstrıaldy-ınnovatsııalyq jobalarynyń jáne ınvestıtsııalyq klımaty jaıynda baıandady. Taraptar ınvestıtsııalyq áriptestik máselelerin jáne 2016-2020 jyldarǵa arnalǵan memlekettik jekeshelendirý baǵdarlamasyna «KWAP» pen «MRCB» qatysý múmkindikterin talqylady.

Dato Van Kamarazýman men Tan Srı Mohamad Salım qazaqstandyq tarapymen yntymaqtastyqty keńeıtýge múmkindik berýine qyzyǵýshylyq tanytty jáne jeltoqsan aıynda «Samruq-Qazyna» Ulttyq ál-aýqat qory, Astana qalasynyń ákimshiligi, Astana Halyqaralyq qarjy ortalyǵy men «KAZAKHINVEST» Ulttyq kompanııasy» AQ basshylyǵymen birlesken áleýetti jobalardy talqylaý úshin Qazaqstanǵa barýǵa nıetti ekendikterin jetkizdi.

Aıta keterligi, «KWAP» - Malaızııadaǵy ekinshi orynda turǵan iri zeınetaqy qorynyń biri. Onyń qarjy aktıvteri shamamen 30 mlrd AQSh dollary shamasynda. Zeınetaqy jınaqtaryn basqarý aıasynda qor el ishinde jáne shet elderde belsendi ınvestıtsııalyq jumys jasaýda. Búgingi tańda «MRCB» eldegi qurylys, ınfraqurylymdy damytý jáne ınjınırıng salalaryndaǵy aldyńǵy qatarly kompanııalardyń tizimine kiredi.