Maqtaaralda jylyna 6 myń tonnadan astam jip óndiretin fabrıka iske qosylady
Maqtaaral aýdanynda ónerkásip óniminiń kólemi artyp keledi. Máselen, ótken jyly óndirilgen ónimniń jalpy quny 3,2 mlrd teńgeni qurasa, bıyl bul kórsetkish edáýir artyp, 12,5 mlrd teńgege jetken.
Shetelden tikeleı ınvestıtsııa tartý baǵytynda Maqtaaral aýdanynda bıyl jalpy kólemi 6,7 mlrd teńgeni quraıtyn 2 joba iske asyrylýda. Nátıjesinde 191 adamdy turaqty jumys ornymen qamtý kózdelip otyr. Jobanyń biri – Túrkııamen birlesip júzege asyrylatyn jip shyǵaratyn fabrıkanyń qurylysy. «Tulpar Texstill» JShS-na qarasty óndiris orny 2020-2021 jyly iske qosylady. Kásiporyn 6 600 tonna jip óndire alady jáne 143 adamdy jumyspen qamtıdy. Budan basqa, Germanııa elimen birlesip, jemis-jıdekti jáne baqsha daqylyn keptirý jáne jemis-jıdek marmeladyn óndirý jobasyn 2020-2021 jyldary iske asyrý josparlanǵan.
Aýdanda 10 536 kásipkerlik sýbektisi bar. Onyń basym kópshiligi «Yrys»shaǵyn nesıe uıymynan, Aýylsharýashylyqty qarjylaı qoldaý qory, «Jetisaı nesıe» jáne Agro nesıe korporatsııasynan sońǵy 9 aıdyń ózinde jeńildetilgen paıyzben 550 mln teńgeden astam qarajat alǵan. Aımaqta kásipkerlikti qoldaý maqsatynda 3 myńnan astam azamatqa tegin keńes berilip, servıs qyzmeti kórsetilgen. Sondaı-aq, azamattardyń kásiptik saýatyn arttyrý úshin «Bastaý bıznes» baǵdarlamasy aıasynda 299 azamat arnaıy bilim aldy.
