Maqtaaralda jazýshy Sabyrbek Oljabaıdyń shyǵarmashylyq keshi ótti

MAQTAARAL. QazAqparat – Túrkistan oblysy Maqtaaral aýdanynda belgili jazýshy, dramatýrg, satırık, kásibı jýrnalıst Sabyrbek Oljabaıdyń shyǵarmashylyq keshi ótti. Jıynǵa aýdan ákimi Baqyt Asanov arnaıy qatysyp, shyǵarmashylyq ıesin shyn júrekten quttyqtady, dep habarlaıdy QazAqparat tilshisi.

«Sabyrbek Dániqululy oblystyq «Ońtústik Qazaqstan» gazetiniń Maqtaaral aýdany boıynsha menshikti tilshisi retinde úlken jumystar atqardy. Ol tek jýrnalıstıka maıtalmany ǵana emes, jazýshylyq qyrynan da jaqsy tanylǵan qalamger. Jaryq kórgen kitaptary men eńbekteri oqyrman tarapynan laıyqty baǵasyn alyp úlgergen. Dramatýrgııa, proza, satıra janrlarynda da jasaǵan eńbekteri jurtshylyqqa keńinen tanymal», - dedi aýdan ákimi.

Kesh barysynda jazýshynyń sheberligi týraly zamandastary men qalamdastary syr shertisip, qazaq ádebıeti men rýhanııatyna qosyp jatqan joǵary úlesi týraly áńgimeler aıtyldy. Sondaı-aq, satırıktiń shyǵarmalarynan kórinister qoıylyp, monologtar oqyldy.

Aıta keteıik, Sabyrbek Oljabaı - 2005 jylǵy «Oblystyń úzdik jazýshysy» nomınatsııasynyń, QR Jazýshylar Odaǵynyń oblystyq fılıaly belgilegen «S.Adambekov atyndaǵy syılyqtyń» laýreaty. Qoǵam jáne memleket qaıratkeri T. Rysqulovtyń týǵanyna 110 jyl tolýyna oraı ótkizilgen «Tarıh. Taǵylym. Tulǵa» atty respýblıkalyq baıqaýdyń 1 oryn ıegeri, 2006 jylǵy Ońtústik Qazaqstan Jýrnalıster Odaǵy taǵaıyndaǵan «ıÝrıı Kýngýrtsev atyndaǵy báıgeniń» laýreaty. 2013 jylǵy «Ǵ.Músirepov atyndaǵy syılyǵynyń» laýreaty bolǵan. Sondaı-aq, QR Aqparat jáne qoǵamdyq damý mınıstrligi «Baspasóz salasynyń úzdigi» tósbelgisiniń ıegeri, TÚRKSOI qurmet gramotasynyń ıegeri, Qazaqstannyń qurmetti jýrnalısti, qazaq jýrnalıstıkasynyń qaıratkeri atanǵan azamat.