Mahmud Sabyrhan Lıverpýldegi álem chempıonatyn jeńispen bastady
ASTANA. KAZINFORM – Qazaqstandyq bylǵary qolǵap sheberi Mahmud Sabyrhan 1/16 fınaldyq kezeńdegi aıqasta qarsylasyn aıqyn basymdyqpen jeńdi.
55 keli salmaq dárejesinde synǵa túsken qazaqstandyq boksshy meksıkalyq Brıan Oýen Ortızben judyryqtasty. Jekpe-jek qorytyndysy boıynsha tóreshiler biraýyzdan otandasymyzdyń jeńisin tirkedi.
Osylaısha Mahmud Sabyrhan alǵashqy jekpe-jegin senimdi ótkizip, álem chempıonatynyń 1/8 fınaldyq kezeńine joldama aldy.
Eske sala keteıik, buǵan deıin qazaqstandyq boksshy Nadejda Rıabetstiń álem chempıonatynyń 1/8 fınalynda jeńilip qalǵanyn, esesine Vıktorııa Grafeevanyń alǵashqy jekpe-jeginde jeńiske jetkenin jazǵan edik.
Al erler arasynda Tórehan Sabyrhan men Beıbarys Jeksen Lıverpýlde (Ulybrıtanııa) ótip jatqan eresekter arasyndaǵy álem birinshiligin jeńispen bastady.