Magnýs Karlsen álem chempıony ataǵyn Samarqanda qorǵamaq

25 jeltoqsanda bastaý alatyn Ózbekstandaǵy rapıd pen blıts boıynsha álem chempıonatyna Magnýs Karlsen, Nodırbek Abdýsattorov jáne Levon Aronıan sııaqty álemge tanymal shahmatshylar qatysady, dep habarlaıdy Kazinform agenttiginiń menshikti tilshisi.

Halyqaralyq shahmat federatsııasynan (FIDE) málim etkendeı, dúnıejúzilik reıtıngtiń kóshin bastap turǵan norvegııalyq shahmatshy Magnýs Karlsen Samarqandaǵy rapıd pen blıtsten álem chempıonatyna qatysatynyn rastaǵan. 

Ol Ózbekstanda óziniń chempıondyq ataǵyn qorǵaıdy.

Qatysýshylardyń naqty tizimi 11 jeltoqsanda jarııalanady.

Qazirgi ýaqytta M. Karlsennen ózge týrnırge ózbekstandyq grossmeıster Nodırbek Abdýsattorov, Gýkesh Dommaradjý (Úndistan), Vınsent Keımer (Germanııa), Shahrııar Mamedıarov (Ázerbaıjan), ıAn-Kshıshtof Dýda (Polsha), ıÝ ıAnı (Qytaı), Maksım Vashe-Lagrav (Frantsııa) jáne Levon Aronıan (AQSh) tirkeldi.

Áıelder arasyndaǵy saıysqa Aleksandra Kostenıýk (Shveıtsarııa), Aleksandra Gorıachkına (Reseı), Tszıýı Ventszıýn (Qytaı), Tan Chjýnı (Qytaı), Hampı Konerý (Úndistan), sondaı-aq qazaqstandyq grossmeıster Bıbısara Assaýbaeva (Qazaqstan) qatysatynyn rastady.

Týrnırdiń ashylý saltanaty 25 jeltoqsanda Samarqanda ótedi. Jarystyń júlde qory — 1 mln dollar.

Atap aıtqanda, ashyq týrnırge — 700 myń dollar, áıelder týrnırine 300 myń dollar qarastyrylǵan.