Mádenıet mınıstrligi sovet mýltfılmderin qazaqshalap ekranǵa shyǵarmaqshy
ASTANA. KAZINFORM – Senatat depýtaty sovet mýltfılmderin qazaqshalap ekranǵa shyǵarý máselesin kóterdi.
«Ózektiligin joǵaltpaǵan sovet mýltfılmderin qaıtadan memlekettik ekranǵa shyǵarý máselesindegi sizdiń ustanymyńyz qandaı?» - dep surady Senator Janna Asanova «Mass-medıa týraly» zańdy talqylaý kezinde.
Vıtse-mınıstr mundaı bastamany ishinara qoldaıtynyn aıtty.
«Balalar ertegilerin retranslıatsııalaý týraly suraqqa kelsek, sovet mýltfılmderi ózekti bolǵan kezdiń shet jaǵasyn biz de kórdik. Meniń jeke kózqarasym boıynsha, ol mýltfılmder shynymen de eńbek qundylyǵyna, jaqynǵa qurmet, Otanǵa degen mahabbat qundylyqtaryna sáıkes keledi. Biz bul baǵytta jumys isteımiz. Jalǵyz atap ótkim keletini, biz retranslıatsııalamaımyz, aýdarmasy bolady. ıAǵnı arhıvten alyp, memlekettik tilge aýdaryp kórsetemiz jáne áleýmettik jelidegi jumysty kúsheıtýge qoldanamyz. Óıtkeni 3-18 jas aralyǵyndaǵy óskeleń urpaqtyń úlken bóligi áleýmettik jelide otyrady. Sondyqtan aýdarma, dýblıaj máselesin baqylaýda ustaımyz», - dedi Qanat Ysqaqov.
