M. Tájın Prezıdentke Ulttyq qaýipsizdik strategııasyn 2010 jyly iske asyrýdyń qorytyndylary jaıly baıandady
QR Prezıdenti baspasóz qyzmetiniń málimetinshe, otyrysta Ulttyq qaýipsizdiktiń jaǵdaıy men aldaǵy kezeńge arnalǵan mindetter týraly Prezıdenttiń kómekshisi-Qaýipsizdik Keńesiniń Hatshysy Marat Tájın tolyq baıandap berdi.
Ulttyq qaýipsizdik strategııasyn 2010 jyly iske asyrýdyń edáýir mańyzdy qorytyndylarynyń ishinde myna máseleler atap ótildi.
Syrtqy saıasatta Qazaqstanda EQYU-nyń 7-sammıtin ótkizý erekshe oryn alady. «Qaýipsizdik qoǵamdastyǵy jolynda» atty Astana deklaratsııasynyń qabyldanýy XXI ǵasyr jaǵdaıynda «Helsınkı rýhyna» oralǵanymyz týraly kýálik ete alady.
UQShU formatynda daǵdarysqa qarsy retteý tetikteriniń qurylýy oǵan múshe-memleketterdiń aýmaǵynda ishki daǵdarystar týyndaǵan jaǵdaıda Uıymnyń áleýetin paıdalanýdy qarastyrady. Osy rette, kómek kórsetý úshin zardap shekken taraptardyń resmı ótinish jasaýy mindetti talap bolýy tıis. Budan basqa, ótken jyly ujymdyq qaýipsizdik júıesiniń kúshteri men quraldarynyń qyzmet etý máseleleri, onyń ishinde, UQShU-nyń Ujymdyq jedel retteý kúshteri men Ujymdyq bitimgerlik kúshteri jónindegi kelisimderge qol jetkizildi.
Keden odaǵynyń iske qosylýy taýarlar, qyzmet kórsetýler, kapıtal men jumysshy kúshteriniń erkin qozǵalysyn, 170 mln. adam turyp jatqan aýmaqta ortaq naryqty qurýdy qarastyratyn Biryńǵaı ekonomıkalyq keńistikti qurý jolyndaǵy mańyzdy qadam boldy.
Eldiń áskerı qaýipsizdigin qamtamasyz etý salasynda Qazaqstan Prezıdentiniń tapsyrmasyna sáıkes, strategııalyq josparlaýdyń jańa qujattary ázirlendi, jańa áskerı bólimder quryldy, memlekettik shekarany odan ári ornalastyrý jóninde jumystar júrgizilýde, birqatar iri áskerı jattyǵýlar, onyń ishinde, «Beıbit mıssııa - 2010» ShYU-nyń jattyǵýy ótti.
Ekonomıkalyq salada Qazaqstan Respýblıkasynyń 2020 jylǵa deıingi damýynyń strategııalyq jospary men 2010-2014 jyldarǵa arnalǵan Údemeli ındýstrııalyq-ınnovatsııalyq damý jónindegi memlekettik baǵdarlama iske asyryla bastady. Qazaqstandy ındýstrıalandyrýdyń respýblıkalyq jáne óńirlik kartasy ázirlendi.
Bankilik-qarjylyq salada qarjylyq turaqtylyqty nyǵaıtý jóninde sharalar qabyldandy. Bul eldiń halyqaralyq qoryn ulǵaıtýǵa múmkindik týǵyzdy, halyqtyń bankilerdegi depozıtter kólemi 15,9 paıyzǵa ósti. Zeınetaqy jınaqtarynyń kólemi 2,2 trln.teńgege artty.
Qoǵamdyq qaýipsizdikti qamtamasyz etý aıasynda ótken jyly quqyq qorǵaý qyzmeti men sot júıesinde keıbir baǵyttarǵa reforma jasaldy. Memleket basshysynyń tapsyrmasy boıynsha zańnamanyń qylmystyq quqyqty izgilendirý jáne dekrımınalızatsııalaý bóligi qaıta pysyqtaldy, balama tergeýge alý qysqartyldy, quqyq qorǵaý organdarynyń quzyreti aıqyndaldy, olardyń jekelegen, beıinde emes mindetteri azamattyq vedomstvoǵa nemese básekelestik ortaǵa berildi.
Ákimshilik reforma aıasynda memlekettik qyzmetshilerdiń sany 15 paıyzǵa qysqartyldy, onyń shinde, kúsh qurylymdary men sot organdary qyzmetkerleri de bar.
Oblystarda qorshaǵan ortany qorǵaýda «Jasyl damý» baǵdarlamasy iske asyryla bastady, ǵımarattardy tazartýdy qaıta qurylymdaý jóninde jeti óńirlik joba qolǵa alyndy.
Ulttyq qaýipsizdik salasynda Aqparattyq jáne kommýnıkatsııalyq tehnologııalardy damytýdyń 2010-2014 jyldarǵa arnalǵan baǵdarlamasy qabyldandy, salalyq baǵdarlamalar ázirlendi.
