ІІM esirtkimen kúresý úshin dron satyp almaqshy
ASTANA. KAZINFORM – Іshki ister mınıstrligi esirtki plantatsııalaryn ońaı anyqtaý úshin 2026-2028 jyldary dron satyp almaqshy. Bul týraly Esirtki qylmysyna qarsy is-qımyl komıteti tóraǵasynyń orynbasary Qýandyq Áljanov ortalyq kommýnıkatsııalar qyzmetinde ótip jatqan baspasóz máslıhatynda málim etti.
- Qarasora ósetin jerlerdi áýeden barlaý quraldarynyń joǵary tıimdiligin kórsetti. 2026–2028 jyldarǵa arnalǵan nashaqorlyq pen esirtki bıznesine qarsy kúrestiń keshendi josparynda Іshki ister mınıstrligine arnalǵan ushqyshsyz ushý apparattaryn satyp alý kózdelip otyr, - dedi ol.
Aıtýynsha, bul apparattar esirtki plantatsııalaryn anyqtap, esirtki zerthanalaryn áshkereleýge, uıymdasqan qylmysqa, ekstremızmge, urlyqqa qarsy is-qımyldarǵa, qylmyskerlerdi izdestirýge de paıdalanylady.
Buǵan deıin drondar shekara kúzetinde qalaı qoldanylyp jatqanyn jazǵan edik.