ІІM Astanada tirkeý erejelerine ózgeris engizýdi josparlap otyr
ASTANA. KAZINFORM – Qazaqstannyń Іshki ister mınıstrligi halyqty tirkeý erejelerine ózgerister engizýdi kózdep otyr. Bul týraly qujat «Ashyq NQA» portalynda jarııalanyp, qoǵamdyq talqylaýǵa usynyldy.
Joba «Halyqtyń kóshi-qony týraly» Qazaqstan Respýblıkasy Zańynyń 51-baby 2-tarmaǵynyń 1) tarmaqshasyn iske asyrý maqsatynda ázirlengen.
Atap aıtqanda, Erejelerge Astana qalasynda tirkeý sharttaryna qatysty jańa tarmaq engiziledi.
– Elorda aýmaǵynda turaqty turý jáne ýaqytsha bolý (turý) orny boıynsha tirkeý Qazaqstan Respýblıkasynyń «Astana qalasynyń mártebesi týraly» Zańyna sáıkes, elordanyń jergilikti ókildi organy bekitetin tirkeý normatıvterin eskere otyryp júzege asyrylady, – delingen joba mátininde.
Qujat 2025 jylǵy 11 qyrkúıekke deıin qoǵamdyq talqylaýda bolady.