ІІM: Almatyda esirtki taratqan ınternet-dúkenniń qyzmeti toqtatyldy

ASTANA. KAZINFORM — Esirtki qylmysyna qarsy is-qımyl komıteti Almaty qalasy men Almaty oblysynyń aýmaǵynda esirtki zattaryn ınternet arqyly baılanyssyz tásilmen taratýmen aınalysqan ınternet dúkenniń qyzmetin toqtatty, dep habarlaıdy Polisia.kz.

Jedel-izdestirý is-sharalarynyń nátıjesinde qylmystyq toptyń 11 qatysýshysy, onyń ishinde uıymdastyrýshylar, operatorlar jáne zańsyz qyzmetti qarjylyq súıemeldeýdi qamtamasyz etken tulǵalar ustaldy.

— Zańsyz aınalymnan shamamen 3 keli sıntetıkalyq esirtki zattary, sondaı-aq qylmystyq shemany úılestirý úshin paıdalanylǵan baılanys quraldary, bank kartalary jáne tsıfrlyq tasymaldaǵyshtar tárkilendi. Atalǵan derek boıynsha sotqa deıingi tergep-tekserý bastaldy, — delingen habarlamada.

Internet arqyly esirtki satatyn dúkender men esirtki ótkizýdiń zańsyz arnalarynyń jolyn kesý baǵytyndaǵy jumys jalǵasyp jatyr.

Osyǵan deıin Qostanaı oblysynda ınternet arqyly esirtki satqan turǵyn ustalǵany belgili boldy.