Lývrdaǵy atyshýly urlyqqa baılanysty jańa málimetter paıda boldy
ASTANA. KAZINFORM — BFMTV frantsýz telearnasy tergeý esepterine silteme jasaı otyryp, Lývrdaǵy tonaý oqıǵasy týraly jańa málimetterdi jarııalady, dep habarlaıdy Kazinform agenttiginiń menshikti tilshisi.
Qazan aıynda Lývrdan 8 myńnan astam gaýhar tas pen 200 injý-marjan urlanǵan.
— Sol kezde tonaýshylar 8 zergerlik buıym bezendirilgen barlyǵy 8 482 gaýhar tas, 35 zúbarjat, 34 sapfır jáne 212 injý-marjan urlaǵan, - delingen habarlamada.
19 qazanda belgisiz bireýler jumysshy kıimin kıip, Lývrǵa júk kótergishpen kirip, birneshe mınýt ishinde Napoleonnyń kollektsııasynan 88 mıllıon eýroǵa baǵalanǵan zergerlik buıymdardy, sonyń ishinde alqa, brosh jáne dıademany qoldy etken.
Olar urlanǵan Lývr zergerlik buıymdarynyń keıbirin bazarda satýǵa tyrysqan.
Lývr murajaıynyń 2026 jyldyń sońyna deıin 100 beınekamera ornatý jospary týraly osy jerden oqyńyz.