LRT jobasynyń «Astana bankinde» qalyp qoıǵan qarajaty qashan qaıtarylady

NUR-SULTAN. QazAqparat – LRT jobasynyń «Astana bankinde» qalyp qoıǵan qarajatyn qaıtarý jumysy júrip jatyr. Bul týraly búgin Ortalyq kommýnıkatsııalar qyzmetindegi baspasóz máslıhatynda Nur-Sultan qalasynyń ákimi Altaı Kólginov aıtty, dep habarlaıdy QazAqparat tilshisi.

«Astana bankinen» qarajatty qaıtarý máselesi boıynsha jumys júrgizilip jatyr. Biraq, bul bir kúndik sharýa emes. Onda jer ýchaskesi, ǵımarat, kólikter bar. Jalpy, jyl qorytyndysynda biz bul istiń nátıjesin aıtamyz. Bul dúnıe-múliktiń barlyǵyn sot arqyly tárkilep, satý qajet. Bul másele bizdiń baqylaýymyzda tur», - dedi elorda ákimi BAQ ókilderiniń saýalyna oraı.

Sonymen qatar ol LRT jobasy aıaqtalǵannan keıin jolaqy qandaı bolýy múmkin ekenin aıtty.

«Búkil álemde qoǵamdyq kólik sýbsıdııalanady. Bılet quny qansha bolatynyna qatysty ázirshe esepteý júrgizilgen joq. Salyp bitkennen keıin barlyq esep túsinikti bolady», - dedi Altaı Kólginov.

Buǵan deıin Nur-Sultan qalasynyń ákimi LRT qurylysyn ońtaılaýdyń nátıjesinde shamamen 1,2 mlrd dollar qarajat únemdelgenin aıtqan bolatyn.