LRT synaǵy barlyq 19 qurammen júrgizile bastady

ASTANA. KAZINFORM – Astananyń jeńil relsti kólik júıesi bir ýaqytta 19 quramdy qatystyrýmen kóp poıyzdy keshendi synaqqa ótti. 

Synaq mashınıstiń aralasýynsyz, tolyq avtomatty GOA4 deńgeıinde ótkiziledi. Qazirgi kezeńde poıyzdardyń naqty qozǵalys kestesi modeldenýde, onymen birge jolaýshylardy otyrǵyzý jáne túsirý, stansalardaǵy turý ýaqyty men basqa da negizgi jumys kórsetkishteri tekseriledi.

Osy kezeńniń nátıjeleri júıeni qosymsha baptaýǵa jáne turaqty jumys jaǵdaıynda LRT turaqty, qaýipsiz ári senimdi jumysyn qamtamasyz etý úshin paıdalanylady.

Astanaǵa barlyǵy 19 quram jetkizildi. Jelide 15 poıyz júretin bolady. Qalǵan quramdar rezerv retinde qarastyrylǵan.

Aıta ketelik elordada LRT-ǵa qatysty qaǵıdalar bekitildi.