LRT aımaǵyndaǵy jaıaý júrginshiler men kólik qozǵalysy erejesi ózgeredi
LRT aımaǵynda jaıaý júrginshiler men kólik quraldary qozǵalysy erejelerine túzetý engiziledi. Bul týraly Astana qalasy ákimshilik ister basqarmasy málimdedi, dep habarlaıdy Kazinform.
Basqarma bergen aqparatqa sáıkes, LRT aımaǵynda kólik quraldary men jaıaý júrginshilerdiń júrisi boıynsha erejege túzetý engiziledi.
«QR zańnamasyna sáıkes, Astananyń Syǵanaq kóshesinde qurylys jumystary júrip jatqan LRT jerústi jeńil relsti kóliginiń qurylys ýchaskesi jaıaý júrginshiler men kólik quraldarynyń qozǵalysyna tyıym salynatyn qurylys obektisine jatady. Bul obektilerdiń búkil perımetri boıynsha qorshaýlary bolýy tıis. Polıtsııa departamenti tapsyrys berýshi men merdiger uıym ázirlegen LRT qurylysy kezeńindegi qozǵalys syzbasyn qarap, turǵyndardyń kólik qozǵalysyna qoljetimdiligin qamtamasyz etý maqsatynda osy kóshede kólik quraldary men jaıaý júrginshilerdiń júrýin shektemeı, jol júrisiniń neǵurlym qaýipsiz jaǵdaılaryn jasaý jónindegi barlyq qajetti sharalardy qamtamasyz etýdi eskere otyryp, túzetýler engizdi. Syǵanaq kóshesiniń, «Arys» kópiriniń júris bóliginiń ortasynda ornalasqan LRT tirekteriniń perımetrinde, Qaldaıaqov kóshesinde qorshaýlar bar. Bul sharalar jaıaý júrginshilerdiń belgilenbegen jerlerde, onyń ishinde tirek aýdanynda joldan ótýin boldyrmaıdy. Al kóshelerdiń qıylystarynda, LRT tirekteri ornalasqan jerlerde osy obektiniń jobasy boıynsha jumystardyń aıaqtalmaýyna baılanysty baǵdarshamdyq retteý shekaralarynda joldy kesip ótkende, qorshaýlar men jol belgilerin ornatyp, qaýipsiz qozǵalys qamtamasyz etildi», - delingen basqarma jazbasynda.
Basqarmanyń habarlaýynsha, merdiger uıymnyń ústinen ákimshilik is qozǵalǵan.
«Engizilgen túzetýlerge qaramastan, merdiger uıym polıtsııa departamentiniń qaýipsizdikti qamtamasyz etý, sondaı-aq atalǵan kóshelerdegi kólik júktemesin azaıtý jónindegi is-sharalarynyń bir bóligin oryndaǵan joq. Osyǵan baılanysty merdiger uıymǵa qatysty ákimshilik quqyq buzýshylyq týraly is qozǵaldy, sondaı-aq buryn bekitilgen jol qozǵalysy shemasyna sáıkes jumystardyń oryndalýyn qamtamasyz etý týraly aqparat berildi», - dep málimdedi basqarmadan.
