Londonda Naýryz meıramy toılandy

LONDON. QazAqparat – Koronavırýs pandemııasy bastalǵannan beri alǵash ret Ulybrıtanııa astanasynda Naýryz meıramy oflaın formatta atalyp ótti, dep habarlaıdy QazAqparat.

Qazaqstannyń Ulybrıtanııadaǵy Elshiliginiń qoldaýymen London Ýnıversıtettik kolledjiniń qazaq stýdentter qoǵamy uıymdastyrǵan Naýryz merekesinde qazaq mádenıeti men óneri tanystyryldy.

Aýǵanstan, Ázerbaıjan, Iran, Qyrǵyzstan, Tájikstan, Túrikmenstan, Túrkııa, Ózbekstan ókilderi, sondaı-aq uıǵyr dıasporasy Ortalyq Azııa kóktem festıvaline qatysty.

Merekeli is-sharaǵa brıtan astanasynyń myńdaǵan turǵyndary men qonaqtary qatysty.

Merekelik kontsert aıasynda Qazaqstan Elshiliginiń ókilderi qazaq halyq ánderin, sondaı-aq tanymal zamanaýı kompozıtsııalardy oryndady.

Ulttyq stendte zergerlik buıymdar, ulttyq kıim, turmystyq zattar, ulttyq taǵamdar, sondaı-aq Qazaqstannyń tarıhy, mádenıeti jáne qazirgi zamany týraly kitaptar men broshıýralar usynyldy.