Lıvannyń shyǵysynda Izraıl soqqysynan bes adam qaza tapty

ASTANA.KAZINFORM - Izraıldiń Lıvannyń shyǵysyndaǵy Baalbek qalasyna jaqyn ornalasqan El-Hader aýylyna jasaǵan soqqysy saldarynan bes adam qaza tapty, dep jazady TASS.

Zardap shekkender arasynda eki áıel men bir bala bar.

23 qyrkúıekte Izraıl Lıvandaǵy «Hezbolla» qozǵalysynyń qurylymdaryna qarsy «Soltústik jebeleri» áskerı operatsııasyn bastady, onyń barysynda qozǵalystyń áskerı nysandaryna jappaı soqqy berdi. Belgilengen maqsat - evreı memleketiniń soltústik shekaralas aımaqtarynda ondaǵan myń turǵyndardyń oralýy úshin qaýipsiz jaǵdaı jasaý.

27 qyrkúıekte Izraıl soqqylarynyń biriniń nátıjesinde Beırýtte «Hezbolla» uıymynyń bas hatshysy Hasan Nasrýlla óltirildi.

1 qazanǵa qaraǵan túni Izraıl armııasy Lıvannyń ońtústigindegi shekaralas aýdandarda qurlyq operatsııasy bastalǵanyn habarlady.