Lıvanda Izraıl áýe shabýylynan 60 adam kóz jumdy
ASTANA. KAZINFORM – Lıvannyń Densaýlyq saqtaý mınıstrliginiń dereginshe, Izraıldiń Bekaa alqabyna jasaǵan áýe shabýyly saldarynan 60 adam, onyń ishinde eki bala qaza taýyp, 58 adam jaralandy. Bul týraly Sınhýa agenttigi jazdy.
Vedomstvonyń habarlaýynsha, áýeden kelgen dúmpý alqaptaǵy 12 eldi mekenge áser etken, ásirese Baalbek aımaǵy qatty zardap shekken. Qutqarý jumystary jalǵasyp jatyr, qurban bolǵandar sany artyp keledi.
Baalbek-Hermel provıntsııasynyń gýbernatory Bechır Hodr áýe shabýyldaryn Lıvan men Izraıl arasyndaǵy qaqtyǵys bastalǵannan beri aımaqqa jasalǵan «eń qatygez» shabýyl dep atady.
23 qyrkúıekten bastap Izraıl Lıvandaǵy áýe shabýyldaryn, negizinen «Hezbollaǵa» qarsy kúsheıtti jáne jaqynda eldiń soltústik shekarasynda qurlyq operatsııasyn bastady.
Eske sala keteıik, buǵan deıin BUU basshysy Gaza sektorynyń soltústigindegi beıbit turǵyndardyń jaǵdaıy aýyr ekenin habarlaǵanyn jazǵan bolatynbyz.
