Lıonel Messı Lotar Matteýstyń rekordyn qaıtalady

ASTANA. QazAqparat - Fýtboldan Argentına quramasynyń shabýylshysy Lıonel Messı álem chempıonaty fınaldyq satysynda oıyn kórsetý jóninen Lotar Matteýstyń rekordyn qaıtalady, dep habarlaıdy QazAqparat tilshisi.

Dál qazir 2022 jylǵy álem chempıonaty jartylaı fınalynda Argentına jáne Horvatııa quramalary oınap, Argentına fınalǵa joldama aldy.

Atalǵan oıynda Lıonel Messı ulttyq qurama sapynda atalǵan týrnırdiń fınaldyq satysynda 25 márte jasyl alańǵa shyqty. Osylaısha ol nemis fýtbolshysy Lotar Matteýstiń kórsetkishin qaıtalady.

Bul jóninen úshtikti 24 oıynmen germanııalyq taǵy bir fýtbolshy Mıroslav Kloze túıindep tur.

Aıta ketsek, budan buryn horvatııalyq qaqpashy «Bavarııa» komandasyna aýysýy múmkin ekenin habarlaǵan edik.