Lenın, Kommýnızm, Ordjınıkıdze: Túrkistan oblysyndaǵy aýyl ataýlary qazaqshalandy
Túrkistan oblysy ákimdiginiń qaýlysy men Túrkistan oblystyq máslıhatynyń birlesken sheshimine sáıkes, Keles aýdany Aqtóbe aýyldyq okrýginiń M.Gorkıı aýyly budan bylaı «Keńdala» atalady.
Al, Aqtóbe aýyldyq okrýginiń ortalyǵy Qyzylásker aýyly «Lesbek batyr» ataýyna ıe boldy. Sondaı-aq, aýdandaǵy Ordjınıkıdze aýyly «Sámbet Sattarov», Dımıtrovo aýyly «Oraz ata», Ázerbaıjan eldi mekeni «Kóltoǵan», Lenın joly aýyly «Aqjol», Pervoe maıa aýyly «1 mamyr», Kommýnızm eldi mekeni «Aşysaı» bolyp ózgertildi.
«Táýelsizdiktiń arqasynda óńirimiz aýmaǵyndaǵy otarshyldyq pen totalıtarlyq dáýirlerden qalǵan ataýlardan birtindep arylyp kelemiz. Bul jumystardyń artynda zııaly qaýym men túrli qoǵamdyq birlestikterdiń jáne jergilikti onomastıka komıssııalary tarapynan uzaq jyldar boıy tynymsyz júrgizilgen júıeli jumys nátıjesinde qol jetkizdik» - deıdi aýdandyq onomastıka salasyna jaýapty, ishki saıasat, mádenıet, tilderdi damytý jáne sport bólimi basshysynyń orynbasary Erbol Nazarov.
