Іle-Alataý parkine barýǵa ýaqytsha shekteý qoıyldy

QONAEV.KAZINFORM – Іle-Alataý memlekettik ulttyq tabıǵı parkiniń aýmaǵyna barýǵa ýaqytsha shekteý qoıyldy. Bul týraly Talǵar aýdanynyń ákimdigi habarlady.

- Talǵar aýdany turǵyndarynyń qaýipsizdigin qamtamasyz etý maqsatynda Almaty oblysy Talǵar aýdanynyń ákimi Іle-Alataý memlekettik ulttyq tabıǵı parkiniń aýmaǵyna barýdy ýaqytsha shekteý týraly sheshim qabyldady. Mundaı sheshim Talǵar ózeniniń sol jaq basseıninde ornalasqan muzdyq pen kóldiń jaǵdaıyna monıtorıng júrgizýge baılanysty qabyldandy. Bul shara Talǵar, Keńdala, Aqtas eldi mekenderi turǵyndarynyń qaýipsizdigin qamtamasyz etedi. Shekteýlerge, resmı derekkózderde jarııalanǵan aqparatty mindetti túrde nazar aýdarýdy suraımyz, - dep habarlady ákimdiktiń baspasóz qyzmeti.

Sondaı-aq, aýdan ákimdigi atalǵan aýmaq Tótenshe jaǵdaılar qyzmetkerleri men “Qazseldenqorǵaý” mekemesi jáne Talǵar aýdanynyń ákimdiginiń qyzmetkerleriniń baqylaýynda ekenin atap ótti.

Aıta keteıik, buǵan deıin Almaty oblystyq turǵyn-úı basqarmasyna jańa basshy taǵaıyndalǵanyn jazǵan edik.