Latynǵa negizdelgen qazaq tiliniń emlesi kelesi jyly shyǵady
Sh.Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵy uıymdastyrǵan jıynda lıngvıst-ǵalymdar latyn qarpin engizýge qatysty usynys, pikirlerin ortaǵa saldy.
«Úkimet bekitken josparǵa sáıkes orfografııalyq sózdik pen orfografııalyq emle jınaǵy keler jyldyń sońynda shaǵady. Bıyl negizgi erejeler, kontseptsııa talqylanady. Protsess kezinde týyndap jatqan suraqtar óte kóp, tıisinshe tapsyrmalar da jeterlik. Talqylaý barysy túrli jaǵdaıda jalǵasady. Óńirlerge baryp konferentsııa, dóńgelek ústel, semınarlar ótkizemiz»,-dedi E.Qajybek.
Onyń aıtýynsha, qazir ǵalymdar grammatıka, fonetıka, fonologııany qazaq tiliniń zańdylyǵyna laıyqtaýda.
«Bul báriniń kókeıinde júrgen suraq. Qazir biz baıyrǵy erejemizge bastar joldamyz. Bul jyldam bola qoıatyn nárse emes»,-dedi ǵalym.
Joǵaryda atalǵan ortalyqtyń bas dırektory Ǵarıfolla Esim latyn qarpine kezeń-kezeńmen kóshýdiń joldary týraly aıtty.
«Biz bes-alty aı kúni-tún jumys istedik. Kóp máselelerdi talqylap, sheshimder qabyldap úlgerdik. Áli da atqarylmaǵan jumystar kóp. Alǵashqyda qıyn bolady. Jobany daıyndaýdy óz isiniń mamandary qolǵa alǵan. Óz tilimizdi bıik deńgeıge kóterý úlken is ári el tarıhyndaǵy mańyzdy sát.»,-dedi Ǵarıfolla Esim.
