Latyn grafıkasyndaǵy qazaq kitaptaryn jınap qoıdym - Beıbit Mamraev
«Árbir bastamany júzege asyrýdyń laıyqty merzimi bolady. ıAǵnı pisip jetilmegen qadamdardy jarııa etip, qoldanysqa engizý durys emes dep oılaımyn. Osy oraıda naqty qazaq tili álipbıin latyn grafıkasyna kóshirýge toqtalsaq, biz tereń saralap ábden daıyndyqpen keldik. Osy ıgi iste múmkindikter men qoǵamnyń pikirin biriktirip baryp, júzege asyrýdamyz. Sondyqtan elimiz úshin bul sátti is dep baǵalaımyn. Árıne, bul atqarylǵan kóp jumystyń jemisti nátıjesi. Sebebi alǵashqy berilgen jobaǵa qaraǵanda yńǵaılanyp qalǵanyn baıqap otyrmyn. Eń bastysy, qoldanys aıasyn keńeıtý úshin el turǵyndary jattyǵýy kerek. Jalpy, budan seskenýdiń qajeti joq dep oılaımyn. El halqy aýqymdy ári tereń talqylaý bolǵanyn jaqsy biledi, sondyqtan jetildirý jumystary da durys baǵytta boldy», - dedi B. Mamraev.
Depýtattyń paıymynsha, qazirden bastap qazaq tili álipbıiniń latyn grafıkasyndaǵy nusqasyn neǵurlym keńirek paıdalaný qajet. Osy oraıda daǵdylaný sharalaryn jospar boıynsha retimen júrgizýge nazar aýdarý kerek.
«Atap aıtqanda, Ekinshi Dúnıejúzilik soǵystyń aldynda ǵana Qazaqstanda latyn grafıkasynan kırıllıtsaǵa kóshken edik. Sondyqtan sol kezeńdegi, ıaǵnı 1929-1940 jyldar aralyǵynda latyn grafıkasynda kitaptar meniń jeke kitaphanamda da bar. Bizdiń ata-anamyz kezinde sol kitaptardy oqyǵan. Sondyqtan bizde eshqandaı qıyndyq bolmaıdy dep oılaımyn. Ózderińiz baıqaǵandaı, mamandar latyn grafıkasynda jazý basqa tilderdi meńgerýde óziniń jeńildigin tıgizetinin aıtyp júr», - dedi halyq qalaýlysy.
