Latyn álipbıinde «W»-di qaldyrý qajet - Qýat Dombaı
Sebebi oǵan halyqtyń kózi ábden úırengen, dep habarlaıdy QazAqparat tilshisi.
«Menińshe, «W» árpin qaldyrý qajet. Sebebi ol kez kelgen pernetaqtada bar. Sosyn fonetıka jaǵynan atalǵan árip bizdiń «u» degen árpimizge sáıkes keledi. Al kırıllıtsadaǵy «Ý»-dy «U» (Prezıdentke kórsetilgen keshegi nusqada «Ý»-dy «Ú'» men «ý'» dep bergen - avt) dep qaldyrǵan jón. Budan bólek, «Sh», «Ch» jáne «Ng» degen úsh dıgraftardy qaldyrýǵa bolady. Aldyndaǵy ekeýine kózimiz ábden úırendi. Keshegi nusqada ol ekeýin «S'» pen «S'» dep jazǵan. Olaı jazsaq, qazaqtyń keıbir sózderinde apostrof qaptap ketedi. Al «Ng» frantsýz ben aǵylshyn tilderi turǵysynan «Ń» bolyp jaqsy qabyldanady», - dedi Dombaı QazAqparat tilshisine bergen suhbatynda.
Mamannyń sózine qaraǵanda, latyn álipbıine qatysty usynystar qashan da kóp bolady. Sondyqtan ony tezdetip engizgen jón. Kúni keshe bir nusqany Prezıdentke kórsetkenniń ózi osy saladaǵy jumysty tezdetip atqarýdyń kórinisi bolsa kerek. «20 jyldary latyn álipbıine bir jyldyń ishinde kóshti. 40-jyldary da solaı boldy. Qazir odan da ońaı. Sebebi baspa mashınkalaryn ózgertýdiń qajeti joq. Kompıýter bar, pernetaqta bar. Qazir naqty bir nusqany qabyldap, naqty bir baǵytqa tússek, kemshin tustaryn jol-jónekeı de túzetýge bolady Al latyn álipbıin qoldaný jaǵynan qıyndyq bolmaýy tıis. Sebebi jastar úshin latyn áripteri tańsyq emes. Iá, úlken kisiler úshin aýyr bolady. Degenmen, latyn álipbıiniń bolashaq úshin, qazirgi jastar úshin engizilip jatqanyn umytpaý qajet», - dep atap kórsetti Qýat Dombaı.
