Latyn álipbıin aǵylshyn tilimen shatastyrmaý qajet - ǵalym Tileshov

ASTANA. QazAqparat - Shaısultan Shaıaxmetov atyndaǵy tilderdi damytý respýblıkalyq ortalyǵynyń dırektory Erbol Tileshov latyn álipbıine aǵylshyn tili dep qaramaýǵa keńes berdi, dep xabarlaıdy QazAqparat tilshisi.

«Shyny kerek, qazirgi kezde kóp adam latyn álipbıine aǵylshyn tili retinde qaraıdy. Sonymen salystyrady. Alaıda til men álipbı - ol eki bólek nárse. Til men álipbıdi shatastyrmaý qajet. Aǵylshyn tili bar, al olardyń álipbıi latyn grafıkasyna negizdelgen. Frantsýz tili de solaı. Qazaq tili de óz aldyna bólek til. Ol da latyn álipbıine negizdeletin bolady», - deıdi Erbol Erdenbekuly.

Onyń aıtýynsha, búginde qazaqstandyqtardyń kóbi latyn álipbıin aǵylshyn tilimen salystyryp, bir jerde joq nárseni ekinshi jerden izdeıdi. Onyń da ózindik sebebi bar. Qazaqstan xalqynyń 20 paıyzy aǵylshyn tilin biledi. Sol sebepti latyn álipbıine aǵylshyn tili dep qaraıdy.

«Bizdiń basty mindetimiz - qazaq tiliniń dybystyq júıesin tolyǵymen qamtý. Ol úshin aǵylshyn tiline, frantsýz tiline qaraýdyń qajeti joq. Biz latyn álipbıin alyp, soǵan qazaq tilin beıimdeýimiz kerek. Boldy», - dep atap kórsetti ortalyq basshysy.

Aıta keteıik, keshe QR Parlament Májilisinde ótken tyńdaýda latynálipbıiniń biryńǵaı nusqasy tanystyryldy.

Qazaq tiliniń jańa álipbı jobasy «bir árip - bir dybys», «bir árip - eki dybys» jáne «bir dybys» prıntsıpine negizdelgen. 25 tańbaly alfavıtten bólek 8 dıgraf bar.